Shillong,Lber 13:U symbud myntri rangbah u bah Sniawbhalang Dhar haba jubab ia ka jingkylli ba la wanrah da u bah Brightstarwell Marbaniang la ong ba ka jingjngai na Meghalaya Secretariat sha Mawkhanu ka long 18 kilometer.
Haba Jubab ia ki jingkylli bynrap u myntri la iathuh ba ka jaka sorkar ha Mawkhanu ka don 800 akar bad haduh mynta ka sorkar kam pat pyrkhat ban ai jaka ia kiwei pat la jubab shai ruh ba ka sorkar kam don jingthmu ban pynkylla European Ward ia kane ka jaka.
U Myntri u la pyntip ruh ba ha kane ka jaka sorkar ym don kino kino kiba shong beh ain,haba iadei bad ka jaka bret niut ka sorkar kala dang iakren bad ki bor shnong ha Nonghali ban ioh ia ka jaka bret niut.
