Shillong, Nailur 05: U Myntri kam poh iing jong ka sorkar Meghalaya u James K Sangma u la ong ba ka jingpynmih jong ka sorkar Assam ia ka list jong ka National Register Citizenship (NRC) kan nym ktah ia ka jylla Meghalaya.
Haba kren ha ki lad pathai khubor mynta ka sngi, u la ong ba ka sokar kala dep ban shim ia baroh ki lad ki lynti ban iada, ki paidbah kim dei ban don kano kano ka jingsyier, ka sorkar kala shim khia ba ka NRC jong ka jylla Assam kan nym ktah ia ka jylla Meghalaya.
Haba ia dei bad ka jingthoh kaba la ai da u MLA u Dr Azad Zaman ha kaba ia dei bad ki kynthei kane ka jylla kiba ioh lok hapoh katei ka jylla Assam, la ong ba ka sorkar Meghalaya kan sa ia kren bad ka jylla Assam ha kaba ia dei bad ki jingeh kiba la mih na ka NRC.
