Shillong, K.Lyngkot 30: U Myntri Rangbah ka jylla u Conrad K Sangma mynta ka miet lyngba ka Twitter u la pynrem jur ia ki nongleh kam sniew ban pynbethei bom ha Police Bazar, la ong ba kane ka jingleh ka long ban pynthud ia ka shong shong shong sain.
La ong ba kane ka jingleh ka dei ka jingleh jong ki riew khawpud bad na ka liang jong ka sorkar kan nym ieh ia kito kiba don kti ha kane ka jingpynbthei bom mynta ka sngi ha Police Bazar, na ka liang jong ka sorkar kan pynthikna ba kan don ka shong suk shongsain ha ka jylla.
U Bah George B Lyngdoh MLA jong ka AITC u la pynrem jur ia kane ka jingbthei bom mynta ka miet ha Police Bazar la ong ba kane ka dei ka jingjia ban pynthud ia ka jingshong suk ha ka jylla.
Lyngba ka Twitter u bah George la ong ba ka sorkar kam shym la lah ban the lakam ia kine ki jingsniew bad kane ka pynishai ba kam shym la lah ban ai ka jingiada ia ki paidbah nongshong shnong bad ha ka juh ka por u pynrem jur ia kum kane ka jinglhe ki riew khawpud.
