Shillong, Naitung 15: U Symbut Myntri Rangbah ka jylla u Bah Prestone Tynsong u la iathuh ba ka sorkar ha ka jingialang kaba la long mynta ka sngi kala shim ia ka rai ban nym shah shuh ban pynlong ia ki jingkhawai iathoh shong kurim ha Ri Bhoi Bad East Khasi Hills District.
Haba kren ha ki lat pathai khubor mynta ka sngi u Bah Prestone u la ong ba ka sorkar kala shim ruh ia ka rai ba kane ka jingkhang ban nym shah shuh ban pynlong ia ki jingkhawai ka long ia baroh ki jait jingkhawai hapoh kitei ki ar tylli ki District.
Na ka liang jong ka sorkar ka kyntu ia ki paidbah ba kin iai shah shipor bad ka sorkar ha kaba ia dei bad ka jingshim ia kine ki ar tylli ki rai na ka bynta ka jingkoit jingkhiah jong ki paidbah bad ka jingbit jingbiang jong u ba bun balang.
U bah Prestone u la ong ba ka sorkar ar bnai mynshuwa kala pynmih ia ka jingpynbna sorkar ba la shah ban iathoh bad khwai shong kurim, hynrei mynta ka sorkar kan nym shah shuh tang ia ka jingkhawai iathoh shong kurim bad kiwei kiwei dei ki jingkhawai ha ki ar tylli ki District.
Kane ka jingbym shah shuh ban pynlong ia ki jingkhawai iathoh shong kurim bad kiwei kiwei ki jingkhawai kan trei kam noh mar dor haduh ban da pynbna da kumwei pat la ong u symbut myntri rangbah ka jylla.
