Ka sorkar kan siewnoh T.70 klur sha ki insurance company ban ioh sdang noh ia ka MHIS IV

Shillong, Risaw 05: Ka sorkar kala iaid sha khmat ban pyntrei kam noh ia ka skhim Megha Health Insurance Scheme (MHIS) IV bad ia ka Ayushman Bharat-Pradhan Mantri Jan Arogya Yojana ia kaba la plii da u myntri rangbah duh jong ka Ri India u Narendra Modi ha Ranchi ha ka 23 tarik Nailur.

U Chief Executive Officer jong ka MHIS, u Pravin Bakshi haba kren ha u SP News Agency u la ong ba ka jingpynkhreh ban pyntrei kam ia kane ka skhim thymmai ha kaba ia dei bad ka jingsumar ha ki hospital kala iaid sha khmat.

La ong ba kane ka skhim mynta kan kham iapher khyndait na ka MHIS namar kala don lang ka bynta jong ka sorkar pdeng. Ha kane ka skhim kaba thymmai mynta ka long ba ki paidbah kim don kam shuh ban leit shondur kum ba la leh ha ka MHIS hynrei ki hap ban shu leit pynshisha namar kane mynta kan long ia baroh.

Shuwa ba ka sorkar kan pyntrei kam ia kane ka skhim kaba la tip kum ka MHIS IV, ka long ba ka sorkar ka hap ban siew shuwa ia ka pisa T.70,70,47,938 /- tyngka sha ki company kiba leh ia ka insurance jongka MHIS III. Lada ym pat siew ia kane ka pisa yn nym lah ban sdang ia kane ka skhim kaba thymmai.

U CEO jong ka MHIS u la ong ba ka iing dorbar ha kane ka dorbar synrai kala pynlait ia ka pisa kaba la kot sha ka T.70,70,47,938 /- tyngka, ka pisa mynta kala don bad shen kin sa siew noh ia kane ka pisa bad ynda la dep ban siew ia kane ka pisa kin iaid sha khmat ban pynkreh ban pyntrei kam ia kane ka insurance ha kaba ia dei bad ka jingsumar ia kiba pang da kane ka  skhim kaba thymmai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet