Ka sorkar kan trei na ka bynta ka jingkiew ki riewlum, ki bym dei riewlum ha Meghalaya

Shillong, K.Lyngkot 27: U Lat jong ka jylla u Satya Pal Malik ha ka jingkren jong u ha ka jingrakhe ia ka jingrakhe ia ka Republic Day kaba 72nd ha nongbah Shillong ha Polo, u la ong ba ka sorkar kala rai ban trei ba na ka byna ban kyntiew ia ki riewlum bad ki bym dei riewlum kiba dei ki nongshnong shnong jong ka jylla Meghalaya.

Ka sorkar kala dep ban shim ia shibun ki lat ki lynti kumno ban kyntiew ia ka ioh ka kot ha ka jylla bad ka sorkar kan trei shitom ban peit ba ha kine ki shiphew snem ki ban wan ka jylla Meghalaya kan long ha kawei na pdeng ki shiphew tylli ki jylla kiba la kiew ha ka Ri India.

U Lat ka jylla u la ong ba ka long kaei kaei kaei kaba sngewtynnad ba ka jingiakhun ia ka khlam COVID-19 ha ka jylla ka long kaba jop namar kumba ka long kiba duna eh ki briew kiba ioh ia kane ka jingpang dei ha Meghalaya bad ka jylla kala ioh ia ka jingiaroh ha kane ka bynta na ka sorkar pdeng bad kum juh na ka WHO.

Na ka liang jong u Lat ka jylla u ai khublei kyrpang ia ki nongtrei ka tnad ka koit ka khiah kyntup ia ki doktor kiba la trei shitom, ka jingkhublei ka leit sha ki shnong ki thaw, ki kynhun trei mon sngewbha kiba la ia treilang ban ia da na ka jingsaphriang ia kane ka jingpang namar kine ki kynhun baroh ki don ia ka bynta kaba khraw ban kyrshan ia ka sorkar.

Da ka jinglah ka Ri India ban pynmih ia ka dawai jingiada na kane ka jingpang ka burom ka leit sha u Myntri Rangbah duh jong ka Ri India na ka bynta kane ka jingjop kaba khraw, ha Meghalaya la dep ban ai injek 518 ngut ki nongtrei ha ka bynta kaba nyngkong bad mynta kin ai shuwa ia ki nongtrei ka tnad ka koit ka khiah kiba don 28000 ngut.

U Lat jong ka jylla u la ong ba kane ka khlam COVID-19 kala pynhiar ia ka ioh ka kot jong ki paidbah ha baroh kawei ka jylla, dei halor kane ba ka sorkar Meghalaya kala pynmih ia ka skhim kaba la tip kum ka “Restart Meghalaya Mission”  bad hapoh jong kane ka sorkar kan pynlut T.14,515 klur ha ki kam pynroi ha kine ki lai snem ban wan.

Ha ka jingkren jong u Lat ka jylla, u ka kren naduh ki surok, ka Umbam umdih, ban pynbha ia ka jingring light, ki kam ialehkai, ban kyntiew ia ki jaka ai jingsumar, ban pynbha ia ki jaka pule, ban peit kyrpang ia ki nongrep bad ka sorkar kan beteng ban pyntrei kam ia ki skhim kiba bun na ka bynta ban kyntiew ia ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet