Shillong, Nailur 15: U symbut myntri rangbah ba Prestone Tynsong ba dei peit ia ka tnad shna surok haba jubab ia ka jingkylli u Winnerson D Sangma la iathuh hapoh ka iing dorbar ba ka sorkar kala dep ban pynlait pisa T.4.42 klur ban shna ia ka surok Zikzak-Mahendraganj.
U bah Prestone la ong ba ka jingduh kane ka surok ka long na ka phang kadiang, ka daw ka long ki trok kit maw sha Bangladesh ki dei iaid na phang ka diang katba na phang kamon kam da duh eh namar ki trok ki wan phai thylli ynda la dep ban pynhap maw sha Bangladesh.
Ka tnad PWD kala dep ban ai kontrak ban shna ia kane ka surok hynrei na kadaw jong ka jingslap ynpat lah ban sdang ia ka jingtrei, ka sorkar kala mang pisa shuh shuh sa T.5.29 klur ban dang pynbha shuh shuh ia ka surok namar kane ka logn kaba donkam bha sha katei ka thain.
U symbut myntri rangbah la ong ba ka kompeni ba trei ia kane ka surok katkum ka jingiakkut ka long ba kan peit shi snem naduh ba la dep pyntrei, iakane ka surok la dep ha u snem 2018 bad ka jingiakut banpeit kala kut ha u snem 2019 dei na kane ba ka sorkar kala sei pisa ban shna ia kane ka surok.
U bah Prestone la ong ba ka sorkar kala phah sha ka sorka pdeng ban pynkylla ia kane ka surok sha ka surok bah, haba ia dei bad ka jingai TP ia ki trok ka shong katkum ki kali la ong u bah Prestone.
U myntri rangbah ka jylla u Conrad K Sangma haba jubab ia ka jingkylli u bah PT Sawkmie halor ka ILP, la ong ba ka sorkar kala shim bun ki lat k lynti ha kaba ka sorkar ala thoh ar tylli ki shithi bad kawei ka dorkhas kane ka kam dang sah bad ka tnad kam poh iing ka sorkar pdeng.
