Ka sorkar MDA kam pat ia kren wat tang shisien ruh ia pud u sam bad ka Assam: Lamphrang

Shillong, Naiwieng 24: Ka seng HANM mynta ka sngi kala leit ban ai da ka dorkhas sha u myntri rangbah ka jylla u Cornad K Sangma ban dawa ba dei ban pynbeit noh ia u pud u sam hapdeng ka jylla Meghalaya bad ka jylla Assam.

Haba kren ha ki lat pathai khubor ha dien ka jingiakynduh bad u myntri rangbah ka jylla u President ka seng u bah Lamphrang Kharbani haba kren ha ki lat paidbah khubor u la ong ba ka jingwan ai ia kane ka dorkhas mynta ka sngi ka long ba kane ka sorkar MDA naduh ba ka shimti ia ka sorkar kam pat ia kren wat tang shisien ruh bad ka sorkar Assam halor u pud u sam.

U tei u nongialam ka seng HANM u la ong ba ka jingshah kyntur pud ha ka jylla Assam kala long ha sawdong bad ka jingshah pyndik ki briew jong ka jylla Meghalaya ha khappud ka long kaba la jubor na ka por sha ka por yn tang kata bad ka jingshah pyndik ki briew ha ki briew na Assam.

Na ka liang jong ka seng ka dawa ba kane ka sorkar jong u Conrad K Sangma ka dei ban ia pynbeit noh bad ka sorkar Assam ban ia kren halor u pud u sam u ba la sah teng naduh ba dang ioh ia ka jylla Meghalaya ha u snem 1972 haduh mynta la 48 snem ba ioh ia ka jylla ba pura.

U Bah Kharbani u la ong ba ka jingshah thom bein jong ki briew ka jylla, la ha Ratacherra, Block-I, Block-II, Balakhawa, ha Langpih bad bun kiwei ki jaka kaba ki briew kila shah thom bor na ka daw ba ki sorkar Meghalaya kila khein sting ban ia pynbeit ia u pud u sam.

U Bah S Marbaniang Legal Adviser jong ka seng, u la iathuh ba ha kane ka jingiakynduh bad u Conrad u la iathuh ha ki nongialam jong ka seng ba la ong ba ha ka jingshisha la buh ban ia kynmduh hapdeng ki ar ngut ki myntri rangbah ka long ha u bnai Lber 2020 hynrei da ka jingwan noh kane ka Corona la hap ban sangeh.

Na ka liang jong u myntri rangbah ka jylla u la ai ka jingkular ha ki dkhot jong ka seng mynta ka sngi ba ka sorkar kala kren bad u myntri rangbah ka jylla Assam ban ia kren ia kane ka kam bad ka sorkar kala buh ia ka jingtyrwa ban ia kren hynrei u khlem ai pat ia ka jingkular lano kin ia kynduh ban ia kren halor u pud u sam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet