Jowai, Risaw 4: Ka Hynñiewtrep Border Disputed Redressal Forum (H.B.D.R.F) ka dawa ïaka sorkar Meghalaya ba kin shim khia ban pynsangeh mardor iaka jingshna surok kampud ka Assam ha Pdeiñ Sharieñ kaba don haka shnong Lapangap , West Jaiñtia Hills District .
Ka Forum ka ïoh jingtip baka Sorkar Assam lyngba ka Karbi Anglong Autonomous Council (K.A.A.C) ka pyntrei sop sop ïaka ne ka surok naduh basdang jong u snem 2019 lyngba kata ka Scheme kaba ki khot ka ‘Central Scheme’ .
Naduh kane ka por ki nongshong shnong jong ka shnong Lapangap ki la leit ban u jor sha ki bor District jong ka West Jaiñtia Hills , District ban iakren bad ka sorkar Assam halor kane ka kam hynrei ki Bor District jong ka West Jaiñtia kim shym la leh ei ei bad ka Assam kam bna ei ei ïakane ka jingpyrshah jong ka shnong bad ka dang pyntrei beit iakane ka surok haduh mynta.
Kumba la paw haki lad pathai Khubor , ba haka 1.10.2020 ki nongshong shnong jong ka shnong Lapangap kila ïamih paitbah ban pynsangeh iaka ne ka jingshna , hakane ka sngi la iadon lang ruh ki bor synshar jong ka West Jaiñtia Hills District , i Kong, B. Blah Border Megistrate, bad u, D.S.P jong ka West Jaiñtia Hills District .
Ka forum ka ïoh jingtip ba na ka liang jong ka Kong B.Blah Border Megistrate kaba ïadon lang hakane ka sngi haka jingshisha ka dei ban kren pynsangeh mardor ïaka ne ka jingshna haka ne hi ka jaka , pynban ka phah wan ïaki ta ki nong Assam ban iakren haka shnong Khynduli , hynrei kita ki nong Assam ki khlem wan.
U wei naki dkhot jong ka Forum , haka jingïakren jong u bad u heh Pulit jong ka Assam haka ne ka jaka kane ka sngi te uta u heh Pulit u la ong bakin pynsangeh shwa ïakane ka kam bad ban aiti haki bor bahalor ban iakren ïa pynbeit shwa.
Hynrei pyn haka 2.10.2020 kita ki nongtrei ki ïawan kham bun ha ryngkat bad ki bor Pulit ban ap pahara ïaki bad mynta ki dang ïa chna syndon daka Camp kaba kham bha , la ioh jingtip ruh ba ka Assam kan sa phah shuh shuh ki bor Pulit haka ne ka jaka.
Ka Forum ka pynpaw ïaka jingsngewkhia ïoh ba kine ki Pulit kin sah parmanent noh hakane ka jaka kumba ki juh leh sha kiwei kiwei ki jaka khappud . Kumta ka Forum ka dawa ïaki bor District jong ka West Jaiñtia Hills District bad iaka sorkar jylla hi ban shimkhia mardor ïakane ka kam .
Ka Forum haka lah sngi nyngkong jong kane ka taiaw kan sa leit ïa kynduh ïa u Chief Secretary jong ka jylla Meghalaya bad ïa u Deputy Commissioner jong ka West Jaiñtia Hills Districts ban ïakren ïakane ka kam.
Ka sorkar jylla kadei ban pynthikna ban shimkhia halor kane ka Kam ngi kyntu ruh ia ki 36 ngut ki MLA ka bri U Hynniewtrep ban pynthikna ka shongsuk shongsain ki paradoh parasnam ha ki thain khappud. La ong u bah Thomas Passah nongai ktien ka HBDRF.
