Shillong, Rymphang 28: U Lat ka jylla u C.H Vijayashankar haba kren ha ka iing dorbar thawain ka jylla ha ka sngi sdang ka dorbar mang tyngka mynta u snem 2025-2026 la ong ba ka sorkar pdeng kala mang pisa T.2.460/- klur tyngka tang ban shna ia ki surok ha kane ka jylla.
La ong ba ki surok ha kane ka jylla Meghalaya ki don ia ka bynta kaba khraw ban kyntiew ia ka ioh ka kot bad ha barpoh ki kam pynroi, la ong ba bun ki surok kiba don kam ki jingtrei kila iaid sha khmat kum ka surok Shillong-Dawki, Tura-Dalu bad kiwei kiwei dei ki surok.
Kane ka jingmang pisa ka sorkar pdeng kaba T.2,460/- klur tyngka ka long lyngba ka skhim Meghalaya Economic Growth Corridor. Ka sorkar kala buh thong ban shna noh da ki jingkieng dewbilat ban iaid ki kali ha ki jaka jong ki jingkieng dieng, mynta u snem yn shna 484 meter ki jingkieng iaid kalai da ka dewbilat.
Haba ia dei bad ka skhim PMGSY-3 ka sorkat jylla kala ioh pisa T.1,056/- klur tyngka, kane ka long ban shna ia ki 88 tylli ki surok thymmai, ban shna 782 km ki jingkieng kiba dei na ki 55 tylli, kane ka long tang na ka bynta ki surok bad ki jingkieng.
