Shillong, Risaw 31: Ka jinglong jingman ka thoh ka pule(Education) mynta u snem 2020 ka la kylla long kaba kynrum kynram bad kaba ym sngewthuh sngewthaw satia namar ka ji
ngpynjari kynsan ka sorkar ia ka lockdown naduh ka 17th u bnai March(Lber) ia ki jaka pule(educational institutions) baroh na ka daw jong ka jingwan kynsan u khniang jingpang Covid-19.
Une u snem 2020 u la poi sha kaba kut artad sa tang 2 bnai ei ei.Hynrei,ki khynnah skul pat,i kumba kim pat patiaw ei ei namar ki dang pyrkhat bad dang shim kabu(take advantage) sah ia kane ka jinglong kynrum kynram jong kane ka jingpang Covid-19. Ka por bad ka jingpynkhreh jong ka MBOSE ia ka Exam Matrik ba ki ju khot mynshwa bad SSLC Examination ba ki khot mynta ruh kam biang por shuh.
Ka jingpynbna katei ka Board ia ka SSLC Examination kaban long ha u snem 2021 ruh ka la pyntud(delay) lang.Ha ka jingshisha, man la u snem,ka jingthep kyrteng ki khynnah kiba shah bat(failed candidates)ha u snem ba la dep(last SSLC Exam) kiba kwah ban ialeh biang(re-appeared) ia katei ka Exam ka ju kut noh(last date to submit application forms) ha ne shwa ki 20th u October ei ei.
Hynrei, mynta u snem pat wat la u bnai November u la sdang,ka MBOSE kam pat phah satia kino kino ki jingpynbna(notification)bad kam pat pynpoi satia ia ki application forms sha ki cerntre bapher bapher bad ki tarik ba khadduh ban thep ia ki kyrteng ki candidate kiba kwah ban ialeh biang ia katei ka Exam kaban long ha u snem 2021 ruh kam pat poi satia haduh mynta.
Bun ki khynnah(candidates) ki leit kylli bad leit wad jingtip sha ki centre bapher bapherb man la ka sngi namar ki sheptieng ba ioh poi pynban ka tarik khadduh(last date) ioh ki shah dain kuna(fined) ne duh ialeh SSLC Exam ei kha ma kha.
Ym tang katta,ka Private SSLC Selection Test 2020 ba ju pyniaid(conducted) da ka office ki District School Education Officer(DSEO) ha man la ki District ruh,mynta u snem pat jar jar khlem don jingpyntip sha ki skul private bym pat pyniasoh(non-affiliated/non recognised schools) bad ka MBOSE.
Bun ki skul ki don ha ka jinglong umdum ban batai bad ai jingshai ia ki khynnah shaphang ka jingdon ka Pvt.SSLC Selection Test 2020 namar dei tang ki khynnah(candidates) kiba passed ia katei ka Selection Test jong ka office ki DSEO ki lah ban ialeh(appear) ia ka Final SSLC Examination 2021. Ka MBOSE kam don bynta ei ei ban pyniaid ne conduct ia katei ka pvt selection Test hynrei ka shong beit ha ki DSEO jong man la ki District.
Kumjuh ruh,ia ki tarik ban thep kyrteng(pyndap form)ia ki khynnah Regular(regular candidates) ia ki skul ba la ioh jingithuh na ki bor ka MBOSE(affiliated/recognised schools),ka MBOSE ka ju ai lypa ki jingpynbna(notification)naduh ki bnai October man la u snem sha baroh kine ki recognised skul ba kin tip ia ka tarik ba khadduh ban thep kyrteng ne thep form.
Man u snem,ka tarik ban thep ne submit ia ki forms ka long hapoh ki 20th ei ei u December khnang ba kin tip ban ia pyniaid(conduct) ne pynbiang ia la ki jong ki jong ki jingdonkam jong ki.Ki skul ba la ioh jingithuh(recognised/affiliated schools) na ka MBOSE kim donkam shuh ban ialeh Pvt Selection Test ha ki Selection Test jong ka office jong ki DSEO.
Hynrei,mynta u snem pat,kiba bun ki recognised/affiliated schools ruh ki dang sah ha ka umdum bad ka lyngngoh baroh. Sa kawei pat kaba ka sorkar lyngba ka Education Dept. bad ki bor pyniaid jong ka MBOSE ki dei ban leh ka long ia ka Routine jong ki khynnah class IX.
Ka MBOSE ka ju ai lypa ka program na ka bynta ka Final Exam jong ki Class IX man la u snem ba kan long ha ki 20th shaneng ei ei jong u bnai November khnang ban wanrah ka jingialong Exam kaba ryntih(to maintain uniformity) ia ka Exam man la ki skul bad kumjuh ruh ka jingioh shuti ryntih lang ha man la ki skul, hynrei mynta pat,la jan dier sa ka por, ka Routine Final Exam ia ki Class IX kam pat mih satia wat haduh ba mih sa u November ruh.
Na ki thymmei khubor kiba ia jan bad ki bor pyniaid Exam,la sngewthuh ba ha ka taiew kaban wan(next week) ki bor pyniaid jong ka MBOSE bad ki bor sorkar(Education Dept) ki lah ban ia shong meeting lang ban ia pyrkhat bad ia mir jingmutblang ban shim ia ka rai halor kine kiei kiei baroh ki jingsah umdum khnang ba ki bor pyniaid skul,ki nonghikai,ki kmie ki kpa lem bad ki khynnah skul kin ioh syndon ka jingshai bad jingpyntip kaba ia shai lang ban nym buh shuh ki jingartatien ia ki bor pyniaid skul,ki khynnah skul nangne sha khmat ioh lap ba dier pynban sa ka por ban pynkhreh ia kine ki kam baroh.
