Ka surok na Tlongpleng sha Balat kam pat ioh ia ka jingmang pisa ong u EE Mawsynram PWD

Shillong, Rymphang 09: Ka KSU Balat Border Area Circle ha kane ka taiew ba lah dep ka la leit ban iakynduh ia u Executive Engineer jongka PWD ( Roads) Mawsynram Division halor ka jingsuki ban pyndep iaka jingtrei na bynta ka surok Tlongpleng haduh Balat.

Ha kane ka jingleit ia kynduh na ka liang jong ka seng ialam da u samla Bonsen Snaitang  President KSU Balat Border Area Circle bad u samla Wankit R. Thongni General Secretary.

Ka jingleit iakynduh jongngi ka long halor ka jingslem ban pyndep ia kane ka surok bad ka jingsuki jong ka tnad hynrei kum ka seng kala kyndit thred hadien ba u Executive Engineer u la pynshai pynban kum ba long mynta Kane ka surok kam pat ioh iaka jingmang tyngka naka Sorkar.

Naduh u snem 2017 haka jingshisha kum ka seng kila pynlong ka jingdeng Lama iong ban pynpaw iaka jingpyrshah iaka sorkar halor ka jingieh khunswet iaka dong ka thain jongngi . Dang ha u bnai Risaw jong u snem ba la dep ruh ngi la iakynduh bad buh jingthoh ruh hakhmat u Secretary jongka PWD (R) jongka sorkar Meghalaya ban pynsngew iaka jingeh jongki paitbah ka Thain.

Kum ka seng ngim Lah shuh ban shah halor kane bad ngi kwah ban buh jingkylli iaka sorkar bad ia u Deputy Chief Minister u bah Prestone Tynsong uba bat ruh kum u Minister ka tnad PWD halor kane.

U Minister u dei ban jubab Kaei ka Daw ba ka sorkar ka leh meinah kumne ia ka dong ka thain Balat? Ka KSU ka kwah ba u Minister u dei ban pynshai halor kumno ba ka sorkar ka pyrkhat halor kane ka surok kaba dei ruh kum u budlum iaka thain Tlongpleng, Balat bad Ranikor.

Ka seng kan sa shong pyrkhat halor kane ka mat bad kum ka seng ka da kyntu ruh iaki nongmihkhmat ba ki dei ban shim khia halor kane ka bynta ban pynbha ia kane ka surok kaba la sah teng mynta na ka daw jong ka jingsniew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet