Ka tnad ka koit ka khiah kan sa ai jinghikai ia ki nongai dawai kynbat: AL Hek

Shillong, Nohprah 19: Da ka jingthmu ban pynshlur ban thung ia ki dawai kynbat bad ha ka juh ka por ban pynneh pynsah ia ki ka tnad AYUSH jong ka sorkar Meghalaya mynta ka sngi kala pynlong ia ka jingpyninam ia ki jaid dawai bapher bapher kiba la wanrah da ki nongai dawai Khasi hapoh State Central Library Shillong ia kaba la plie da umyntri ka koit ka khiah jong ka jylla u Bah AL hek.

Ha ka jingkren jong u myntri ka koit ka khiah u Bah AL Hek u la ong ba ka North Eastern Council ha u snem 2005-2006 kala phah jurip bniah ia ka jingdon ki kynbat kiba dei ki kynja dawai ha East bad West Khasi Hills District bad kum juh hapoh jong ka Ri Bhoi District bad ha kane ka jingjurip la lap ba ha kine ki jaka ki don haduh 57 jait ki dawai kynbat.

U mytnri u la ong ba namar ba kam don kano kano ka jingthoh ban batai ha kaba ia dei bad kane bad ka jingbym don ia ki laisen kam shym la lah ban pynkiew iakane ka kam, la ong ba mynta ka tnad ka koit ka khiah jong ka sorkar jylla kan sa ai jinghikai ia ki nongsumar khasi khnang ba kine kiba trei ia kane ka kam kin da ioh ia ka jingithuh na ka sorkar ha kaba ka sorkar kan dang pynkhlain shuh shuh ia ka tnad trei kam jong ka AYUSH.

H aka jingkren jong u Dr. Pradeep Jeathi u ba dei na ka  Adora Kerala Ayurvedic, u la ong ba  70% ha ka pyrthei mynta ki shaniah ha ka rukom sumar tynrai. Ha u snem 2016 ka iew jong ki dawai kynbat ka long haduh 71.19 Billion bad kane kan kiew da 10% ha kine ki khyndait snem ban wan. La ong ba ka China bad ka USA kala kiew da 80% katba ka India ka dang long tang 1%.

La ong ba ka dong shatei lam mih ngi jong ka Ri India ka don ia ka jaka ka biang bha ban thung ia ki dawai kynbat kaba don kam ka long ba ki sorkar jylla ki dei ban pynshlur ia ki paidbah. La don kam ban don ia ki karkhana ban pynshlur ha kaba pynmih ai ki dawai kynbat.

Ha ka jingkren u Secretary  ka tnad ka koit ka khiah jong ka sorkar jylla u ba dei ruh u Director jong ka AYUSH u P Bakshi, u la ong ba la don kam ban ai ia ka jingithuh ia ki nongsumar khasi namar ba ki la lah ban sumar kumba long kiwei ki doctor.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet