Ka Tnat Jngohkai ka la pynlong ia ka jingialang ki DG  bad IG jingpyntreikam ia ka UTPS

New Delhi, Nohprah 28: Ki jingjop ba kongsan jong ka tnat trei kam ka tnat jngohkai jong ka sorkar pdeng ka long ba ha ka 1 tarik Nohprah 2022, ka India ka la shimti ia ka presidency jong ka G20 group of nation na ka bynta shi snem.

Ha ka samoi jong ka Presidency, ka ban kut ha ka 30 tarik Naiwieng 2023, la khmih lynti ba ka ri kan pynlong palat 200 tylli ki jingialang ha 55 tylli ki jaka. Na kine, 4 tylli ki jingialang yn pynlong da ka Tnat Kam Jngohkai, Sorkar India.

Shuh shuh, ka Tnat kam jngohkai lyngba ki ophis bapher bapher jong ka bad ka ITDC ki la pynlong ka jingai jinghikai pyntbit ha ka sap treikam bad ki prokram ai jingtip na ka bynta kito kiba don bynta ha ki kam jngohkai kynthup ki nongniahtaksi, ki nongniah kali tourist, ki nongtrei hotel, ki tourist guide bad kiwei kiwei.

Ki jingai jinghikai ki kynthup ka rukom treikam, ka jaka treikam bad jinglehkhuid, ka kyndon ba iadei bad ka Covid, ka jingai jinghikai ban kren ia ka ktien nongwei bad kiwei kiwei.

Palat 2000 ngut ki briew ki la ioh jinghikai haduh mynta ha ki jaka ban pynlong ia ki jingialang G20. Kin dang don shuh ki prokram ai jinghikai ha ki bnai ban wan.

Ka Tnat Kam jngohkai ha ka jingiatreilang bad ka Tnat Kam pohiing bad ka Bureau of Police Research and Development (BPR&D) ka la pynlong ia ka National Conference jong ki Director General, ki Inspector General (DG/IG) jong ka Tnat Pulit jong baroh ki Jylla bad ki UT kaba iadei bad ka jingpyntreikam ia ka Uniform Tourist Police Scheme, ha ka 19 tarik Risaw 2022 ha VigyanBhawan, New Delhi.

Ka jingthmu jong ka National Conference halor ka Tourist Police Scheme kalong ban wanrah ia ka Tnat Kam Jngohkai ryngkat bad ka Tnat kam pohiing, Bureau of Police Research bad  Development bad ki Sorkar Jylla, ki UT ha kajuh ka rynsan.

Khnang ba ki lah ban iatreilang kham jan bad ki Tnat Pulit jong ki Jylla bad ki UT bad ban ai jinghikai ia ki shaphang ki jingdonkam jong ki nongjngohkai kiba wan nabar ri bad kumjuh ruh kiba napoh ri na ka bynta ka jinglah pyntreikam bha ia ka Uniform Tourist Police Scheme ha ka ri.

Ka National Digital Tourism Mission (NDTM) ka thmu ban pyniasoh lyngba ki lad digital ia kito kiba don bynta ha ki kam jngohkai kumba long ha ka National Health Mission.

Ka jingpynkylla digital kalong kaba kongsan ban wanrah ia ki kam jngohkai hapoh kawei ka rukom treikam bad kan kyntiew ia ka jingiakhun hapdeng ki kam jngohkai bad ki kam kiba peit ia ka jingsah briew. Ka NIDHI+ kadei ka bynta ba kongsan jong ka NDTM.

Hapoh ka RCS UDAN-3 Tourism, ka Tnat kam jngohkaika la iakren bad ka Tnat Civil Aviation, da ka jing thmu ban kyntiew shuh shuh ia ki lad jingpyniasoh bad ban kynthup ia ki jingpynherliengsuin sha ki jaka jngohkai, na ka bynta ka jingpyniasoh kaba biang sha ki jaka jngohkai ba kongsan, kynthup ki jaka ba kyrpang.

Haduh mynta, 31 tylli ki jingpynherliengsuin sha ki jaka jngohkai la pyntreikam.Shuh shuh, ka Tnat kam jngohkai ka la ai jingmynjur 28 tylli ki jingpynherliengsuin ba thymmai, kumta mynta ki don 59 tylli ki jingpynherliengsuin sha ki jaka jngohkai ba la ioh jingmynjur.

Ka Tnat Kam jngohkai ka la pynlong ia ka International Tourism Mart ha ka thain shateilammihngi ban pyni ia ki kiba don ha ki kam jngohkai ha ki jylla ka thain shateilammihngi jong ka ri ha ka kyrdan hapoh ri bad shabar ri ruh.

La pynlong ia ka “10th International Tourism Mart (ITM) na ka bynta ka thain shateilammihngi naduh ka 17-19 tarik Naiwieng 2022 ha Aizawl, Mizoram ha ka jingiatreilang bad ka Sorkar Mizoram.

Kane ka prokram ka la wanrah lang ia ki kynhun kiba don ha ki kam jngohkai bad ki briew kiba treikam lajong na phra tylli ki jylla ka thain shateilammihngi ha kawei ka rynsan.

Ka ITM ka plie lad ia kito kiba don bynta ha ki kam jngohkaijong ka jylla Mizoram bad kiwei kiwei ki jylla ka thain shateilammihngi ban pyni ia ki jaka jngohjngohkai ba don ha ka thain.

Ka Tnat Kam jngohkai ka la pynlong ia ka National Conference jong ki Myntri ba dei khmih ia ka tnat kam jngohkai jong ki sorkar jylla naduh ka 18 haduh 20 tarik Nailur 2022 ha Dharamshala, Himachal Pradesh ban iakren ia ki bynta ban kyntiew ia ki kam jngohkai ha ka ri.

Ha kane ka jingialang la iadonlang ki Myntri ka tnat kam jngohkai na ki jylla bapher bapher kumjuh ruh ki Myntri sorkarpdeng, ki  Tourism bad Hospitality Association, ki lad pathai khubor bad kiwei kiwei.

Ka jingthmu jong kane ka jingialang kalong ban ioh ia ki jingai jingmut bad ki jingsngew na baroh ki jylla bad ki Union Territory jong ka ri halor ka jingkyntiew ia ki kam jngohkai bad ban ioh iakren markhmat bad ki jylla halor ki skhim, ki polisi bad ki sienjam ba la shim na ka bynta ka jingkyntiew ia ki kam jngohkai ha ka ri.

Ha kane ka jingialang la phaikhmat ruh sha ki polisi bapher bapher bad ki prokram jong ka Tnat, kynthup ka jingkyntiew ia ki jingdon jingem ba iadei bad ki kam jngohkai, ka kolshor, ka pateng bad ki kam jngohkai ba kynjamynsiem ha ki Jylla Himalaya, ka jingbahkhlieh bad ki kam jngohkai ba lah ban iaineh bad ki kam jngohkai ba iadei bad ki bynta jong ki jingialang G20.

Ka Tnat Kam jngohkai, ha ka jingiatreilang bad ka United Environment Program (UNEP) bad Responsible Tourism Society of India (RTSOI) ka la pynlong ia ka National Summit halor ka‘Developing Sustainable & Responsible Tourist Destinations’ ha New Delhi.

Ha kane ka jingialang, ka Tnat Kam jngohkai ka la plieia ka ‘National Strategy for Sustainable Tourism and Responsible Traveller Campaign’. Ka Strategy document ka la ithuh ia ki rishot na ka bynta ka jingkyntiew ia ki kam jngohkai ba lah ban iaineh kum ka Jingkyntiew ia ka jingiaineh ki jingdon jingem ka mariang, ka Jingiada ia ki jingdon jingem, ka jingkyntiew ia ka jingiaineh ka ioh ka kot, ka jingkyntiew ia ka jingiaineh ka imlang sahlang bad ka kolshor.

Ka skhim na ka bynta ka Certification of Sustainable Tourism, IEC bad ka jingpyntbit treikam bad kiwei kiwei. Haba plieia ka Campaign, u Secretary (Tourism) u la ong ba ki rukom treikam ba lah ban iaineh bad kiba don jingkitkhlieh yn pyntreikam ha ki projek bad ki sienjam lyngba ka SwadeshDarshan 2.0.

Ka Tnat ka la pynlong ia ka International Day of Yoga-2022 (IDY-2022) ha Parade Ground, Secunderabad, Telanganaha ka 21 tarik Jylliew, 2022. U kongsan ha ka jingialang udei u Vice President jong ka India, u M. Venkaiah Naidu.

U G Kishan Reddy, Myntri ka tnat kam jngohkai, Culture badDoNERu la pyniaid ia ka jingialang ryngkat bad ki riewpawkhmat, ki nongialehkai, ki khlieh duh jong ki Tnat na sorkarTelanganabad Sorkar India, bad ki heh ophisar na ka Tnat kam jngohkai, Sorkar India. Ki don 10,000 ngut ki briew ba iashim bynta ha kane ka prokram.

Khnang ban kyntiew ia ki kam jngohkai ha kylleng ka ri, ka Tnat Kam jngohkai ka la iasoi ia ka Memorandum of Understanding bad ka M/s Alliance Air Aviation Limited (AAAL) ha ka 17 tarik Rymphang 2022 ha New Delhi.

Ka Tnat ka pyrshang ban buh ia ka India kum ka jaka jngohkai kaba hakhmat ha ki iew ba iadei bad ki kam jngohkai katba ka M/s Alliance Air Aviation Limited kaba khlain ka network jong ka, ka shim ia ka bynta ban kyntiew ia ki kam jngohkai ha India.

Ka Tnat Kam jngohkai lyngba ki ophis jong ka ba don shabar ri, ka la iashim bynta ha ki international travel exhibition kum ka Arabian Travel Mart, Dubai bad World Travel Market, London, da kaba ialam ia ka kynhun jong ki DMC, ki tour operator, ki trai jong ki hotel bad kiwei kiwei. La kyntiew ia ka India sha ki karkhana ba iadei bad ki kam jngohkai shabar ri lyngba ka jingiashim bynta ka Tnat ha kine ki exhibition.

Ka Tnat Kam jngohkai ka la sdang ia ki ‘YUVA Tourism Club’ kum shi bynta ki jingrakhe ia ka ‘Azadi ka AmritMahotsav’. Ka jing thmu jong ki YUVA Tourism Club kalong ban kyntiew ia ki samla nongrah ktien jong ki kam jngohkai jong ka ri ki ban sngewthuh ia ki lad ba don ha ki kam jngohkai ha ka ri, ban iaroh ia ka deitiri kaba riewspah jong ngi bad ban kyntiew ka jingangnud na ka bynta ki kam jngohkai.

Kine ki samla nongrah ktien kin long ki nongkyntiew ia ki kam jngohkai ha India. Ka jingiashim bynta ki Tourism Club kin pynsuk ruh ban kyntiew ia ki sap treikam bad ka bynta jong ka kam jngohkai ba lah ban iaineh.

Ka Central Board of Secondary Education ka la wan shakhmat ban kyrshan ia ka sienjam jong ka Tnat Kam jngohkai bad ka la pynmih ki jingbthah sha baroh ki skul ba iasoh CBSE halor ka jingthaw ia ki Yuva Tourism Club.  Ka Tnat kam jngohkai ka la shna ruh ia ka ‘Handbook na ka bynta ki Skul ban pynlong ia ki Tourism Club’.

NIDHI + : Ka Tnat Kam jngohkai jong ka sorkar pdeng ka la plie ia ka National Integrated Database of Hospitality Industry, (lane ka NIDHI), ka rukom treikam lyngba ka teknoloji, kaba iadei bad ka thong jong u Myntri Rangbah duh ia ka “Atmanirbhar Bharat”, ka ban pynsuk ban pynkylla digital bad kyntiew ia ka jingsuk ban trei na ka bynta ki kam hospitality & tourism.

Ka rynsan NIDHI kan iarap ban lum jingtip ia ki lad ba don ha ki jaka jngohkai bapher bapher, ki jingdonkam jong ki kam jngohkai ha ki jaka bapher bapher. La kyntiew ia kane kum ka NIGGHI+ ka ban kham kynthup shuh shuh, kata kalong, ym tang ia ki jaka sah briew, hynrei ia ki Travel agent, ki Tour Operator, ki Tourist Transport Operator, ki Food bad  Beverage Unit.

Ki Online Travel Aggregator Convention Centre bad kiwei kiwei. Kane ka rukom ba thymmai ka kynthup ka bynta kaba khraw jong ki sorkar jylla bad ki union territory nalor ki Industry Association jong ngi bad kiwei kiwei kiba don bynta ha kane ka kam. Lah ban ioh ia ka portal ha ka https://nidhi.tourism.gov.in.

Hapoh ka Loan Guarantee Scheme for Covid Affected Tourism Service Sector (LGSCATSS), yn ai ia ram sha ki briew ha ki kam jngohkai ban pyllait na ki jingshah ram bad sdang biang ia ka kam ba la shah ktah namar ka khlam COVID-19.

Ka skhim ka kynthup 10,700 ki Regional Level Tourist Guide ba la ithuh da ka Tnat Kam jngohkai jong ka Sorkar India bad ki Tourist Guide ba la ithuh da ki Sorkar Jylla bad  ki UT bad kumba 1,000 ki Travel and Tourism Stakeholders (TTS) ba la ithuh da ka Tnat Kam jngohkai.

Ki TTS ki lah ban ioh ia ka guaranteed collateral free loan haduh mar T. 10 lakkatba ki tourist guide ki lah ban ioh ia ka guaranteed collateral free loan haduh mar T.1 lak.

Ban kyntiew ia ki kam jngohkai, la pynbnanyngkong 5 lak ki Tourist Visa da ka Sorkar India na ka bynta ki nongjngohkainabar ri kiba wan sha India, kaba treikam haduh 31.03.2022 lane haduh 5 lak la ai visa ei, kat kaba shuwa. Kane ka jingmyntoi kalong tang shisienia uwei u nongjngohkai.

Ka Tnat kam jngohkai ka la shna thymmai ia ka film Incredible India ban pdiang sngewbha ia ki nongjngohkainabar ri sha ka ri hadien ka jingplie biang ia ki liengsuin ba pynher shabar ri. La pynsaphriangia kine ki film hapoh ri na ka bynta ban kyntiew bad ki kam pyniaid iew.

Ka Tnat kam jngohkai ka la pynlong ia ka jingialang sam khunsnamNational Tourism Award ha ka 27 tarik Nailur 2022 sha ki briew kiba la ioh jingjop ha ki kam jngohkai ha ka ri. La sam 81 tylli ki khusnam mynta u snem kaba pyni ia ki jingjop jong ka karkhana ha u 2018-19. La sam ia ki khusnam da u Vice President jong ka India, u JagdeepDhankar.

Ka Tnat ka la plie ia ka Utsav Portal, ka sienjam digital ba la plie da ka Tnat Kam jngohkai, kaba thmu ban pyni ia ki tamasa, ki prokram bad ki live darshan ha kylleng ka ri ban kyntiew ia ki thain bapher bapher jong ka ri kum ki jaka jngohkai ba pawnam ha kylleng ka pyrthei.

Ka jing thmu kalong ban pyni ia ki bynta bapher bapher, ki tarik bad ki jingtip shaphang ki prokram bad ki tamasa jong ka ri ha ka rynsan shabar ri bad kyntiew jingtip ha ki kam jngohkai, ki jingkhring bad ki kabu lyngba ki lad digital na ka bynta ki nongjngohkai. Ka jing thmu kalong ruh ban pynioh ka jingshemphang ia ki riewngeit ia ki jaka ba kyntang ba don ha ka ri ha ka dur jong ka Live Darshan.

Ka jingithuh ia ka jingwan ki briew ban ioh jingsumar kum ki kam ba kongsan kaba plie lad ia ka jingkiewsted jong ka ri, ka Tnat Kam jngohkai ka la shim bun ki sienjam ban kyntiew ia ka India kum ka ‘Medical and Wellness tourism destination.’ Ha kaba iadei bad kane ka jing thmu, ka Tnat ka la wanrahia ka rukom treikam hapoh ri na ka bynta ka Medical and Wellness Tourism.

Ha kum kane kajuh ka rukom, ka Tnat ka la thaw ruh ia ka rukom treikam na ka bynta ka Adventure Tourism khnang ban pynlong ia ka India kum ka jaka jngohkai kaba hakhmat na ka bynta ka adventure tourism ha kylleng ka pyrthei.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet