Shillong, Naiwieng 07: U bah Alod Nongpoh jong ka “Tyrso Valley Wildlife Protection Society” la pyntip ba mynta u snem ka kynhun kan pynlong ia ka tamasa “Amur Falcon” ar sngi lynter ha ka 12 bad 13 tarik mynta u bnai ha shnong Umru kaba hap hapoh jong ka Ri Bhoi District, ha Meghalaya.
Kine ki Kbeit kila juh wan ban sangeh ha katei ka jaka la kumno kumno shibnai ei ei bad kane ka jingwan kine ki kbeit kala wan ha kane ka jaka mynta la shiphew snem bad kane ka tamasa ka dei ka sien kaba san bad kine ki kbeit ki juh wan tang ha ka por khriat, la ong u bah Alod secretary ka TVWP.
Kine ki kbiet la ngeit ba kin wan na Siberia jong ka ri Russia bad ki hiar sha South Africa bad ha lynti lynti ki sangeh bad kane ka jaka ka dei kaba kila wan hiar mynta la kumba 10 snem, ha kaba nyngkong ki briew ki juhpyniap bad bam ia ki hynrei hapoh ka jingialam kato katne ki riew rangbah la lah ban khang ia kane ka jingpyniap.
Ka jingwan kine ki kbeit ha katei ka jaka ka long ha shitng u bnai Risaw bad ki mih na katei ka jaka shiteng u Naiwieng, ha kane ka kynti ia kane ka tamasa la pynlong ha ka jingiatreilang bad ka kynhun kaba la tip kum ka “The Them Tyrso Women’s Welfare Assoiation”.
U bah Alod la iathuh ba ia kane ka tamasa yn plie da u MLA jong ka Nongpoh u bah Mayralborn Syiem ha ka sngi sdang bad ha ka sngi pynkut la ioh jingtip ba un wan hi u myntri ba dei peit ia ka tnad khlaw u James K Sangma, ha kane ka tamasa kaba ar sngi kin don ruh shibun ki tamasa.
