Shillong Kyllalyngkot 16: Ha ka jingialang paidbah jong ka party VPP u president ka seng u bah Ardent Basaiawmoit la ong ba ia ka pary la dep ban register bad mynta ki dang ap ban ioh ia ka shap, ia kane la ong ha ka jingialang kaba long ha madan polo mynta ka sngi.
U President jong ka VPP u la ong ba haduh mynta ka party kan pynieng kyrtong ha ki 16 tylli ki kontitwensi bad ka kum ka seng ki kwah ban wanrah ia ka jingkylla na ka bynta ka jaidbynriew, la ong shen kin sa dang pynbna shuh shuh ia ki kyrtong jong ka party.
U Preisdent ka VPP la ong ba mytna kiba iakop spah bad ki mut ba u paidbah un jied biet da u heh spah bad ki la sdang ban sei madan da ki heh spah bad kane ka sorkar ka la sdang ban pynbiej pisa T.10,000 sha ki nongrep katta ruh shi sien san snem, u la ong.
U bah Ardent u la ther tyngeh ia ka NPP ba ha ka por ba ki thaw ia ka sorkar, ki la pynlong ia ka jingduwai hynrei hadien bud da ki kam tuh kam thok namar ba la duwai tang ban pynbiej paidbah bad la ong ba u don ka jingkyrmen ba kin jop na baroh ki jaka ba kin pynieng kyrtong.
Ha kane ka jingialang ki paidbah kila noh syniang da ka pisa sha ka party, ha kane ka sngi la pynskhem ruh ia u bah Adelbert Nongrum kum u kyrtong na 17th North Shillong konstwensi bad u bah Mayborn Lyngdoh uban iakhun na 14th Pynthorumkhrah konstiwensi.
