Kam dei ka jinglong shuwa ne ha dien ia ki ophisar, ki peit ia ka jinglah trei kam: James

Shillong, Nohprah 03: U Myntri ba dei peit ia ka tnad bording u James K Sangma mynta ka sngi u la ong haba ka sorkar ka thung ia ki briew ha ki kam, khamtam hapoh jong ka MeECL kam da dei than ka jinglong shuwa na ha dien ka sorkar ka peit ia kiba lah ban trei ia ka kam.

Haba kren ha ki Lat pathai khubor mynta ka sngi na ka liang jong u la ong ba ki jingkynnoh jong ka liang pyrshah na ka seng Congress khamtam u nongialam ka liang pyrshah u Dr Mukul Sangma ka dei tang ka jingkynthoh politic ia kaba kim kwah ban ia pynphia nia namar ki don ha ka bor ban ai ka jingshakri ia ki paidbah.

Haba ia dei bad ka jingkynnoh halor ka Ganol Hydel Power Project, u myntri u la ong ba ha ka por ba ki wan ha ka bor kum ka sorkar ka don tang ar tylli ki lat, kawei ka long hato yn iehnoh ia kane ka jingtrei ne ban bteng biang ia ka jingtrei, lada bteng biang hap ban bei pisa.

Ka sorkar kala shim ia ka rai ban bteng biang ia ka jingtrei bad ka hap ban bei pisa, ka daw ka long ba ka jingdkhoh ha ka jingjurip ia kane ka jaka kala dei na duh mynshuwa hynrei kane ka jaka pynmih bording ka long kaba kongsan bad ka sorkar kala shim ia ka rai ban pyndep ia ka ha u snem 2022.

Haba ia dei bad kiwei kiwei ki jingkynnoh na ka liang jong u myntri u la ong ba baroh ki dei kiba bakla bad kaei kaba ka sorkar ka leh ka long katkum ki kyndon kiba la buh da ka Asian development bank bad ka sorkar pdeng kam dei ba ka sorkar jylla ka leh hi ka da ioh ia ka jingmynjur jong ka sorkar pdeng.

Kane ka sorkar mynta kala pynkhreh ba ia ki wire light ha nongbah Shillong bad Jowai yn pyniaid noh nap oh khyndew bad kane kan pynlait na ki jingmynsaw ha kiba bun ki liang khamtam lada ka don ka jingkhyllem jong ki dieng.

La ong ka sorkar ka kwah ban nym don shuh ka jingpynlip light kumba long ha ki snem kiba mynshuwa bad ka sorkar kam kwah ban iohi ba ki samla pule kin pule kot da kaba thang sharak bad kyrmen ba kan nym don shuh ka jingpynlip light.

Haba ia dei bad ki jingeh kaba ka MeECL ka ia kynduh kam dei shuh kaba thymmai hynrei ki dei kiba la kynton na ka por sha ka por ia kaba kane ka sorkar ka kwah ban weng noh ia kine ki sohkyrdot ban leh ia kane ka shim por hynrei ka sorkar kan ialeh ban pynbiang ia ki nongtrei.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet