Shillong, Naiwieng 25: U President jong ka MPCC u bah Vincent H Pala u la ong ba kam don jignthut ei ei hapoh ka party Congress, hynrei ka jingthut dei bad kito ki MLA kiba mih na ka party bad leh se ka don jingbakla bad u bah Charles ruh.
Haba kren ha ki lat pathai khubor u president ka MPCC, la ong ba ka jingwan jong ka Trinamul Congress ha kane ka jylla kan dei ka sien kaba ar, nyngkong kala wan da ka jingrung u Purno A Sangma bam kwai ha dwar u blei bad kane ka kynhun kaba mynta hapoh ka jingialam jong u Dr. Mukul.
U bah pala la ong ba dang shem kala don ka jingshah khot ha ka AICC bad kala don ka jingiakren bad la ai rai ban ia treilang na ka bynta ka bad kam don ei ei ban kynnoh ia ka party, ka jingthut ka dei bad ki MLA ba mih na ka party.
Haba ia dei bad ka jingktah ia ka party, u bah Pala u la ong ba, ka jingmih jong ki kan ktah ia ka party, dei na kane ka daw ba kila iohi lypa ia kane dei na kane ka daw ba kisa pynkhlain ia ka party habaroh ki District bad ki konstitwensi, ka party kan trei shitom ban pynkhlain ia ka party.
Haba peit ki briew kin ioh ba na kawei ka iing ki don hynriew ngut ki MLA bad kiwei ki dei ki nongbud, leh se kiba leit bad Dr Mukul ka long ba leh se namar ba u long myntri rangbah la bun snem ki lah ban shim ia ka jingiarap jong u dei na kane ka daw ba ki sa bud namar ki dei ki paralok jong u laitnoh u bah Charles Pyngrope.
U Bah pala la ong ba bun na ki nongtrei barim jong ka party Congress ki mih dei na ka daw jong ka u Dr Mukul bad mynta ki long kiba la kloi ban wan biang sha ka party dei na kane ka daw ba la pynrung shibun ki nongialam sha ka party, kum ka party kala trei shitom ban pynkhlain ia ka party.
Ha kane ka sngi la don lang ki MLA bad ki MDC jong ka party Congress ha kaba kila pynpaw ba kin trei shitom na ka bynta ka party ban wanrah ia ka jingjop don burom ha u snem 2023, ha kajuh ka por na ka liang jong ka party kan dang ia mir jingmut bad ki muktiar ban ia kren ia kane ka jingphet seng ki MLA.
