Kam ka Congress ba dei ba u Rahul ba kren ia u Modi ba sa poi ki kor pom um ha Lumtahri

Shillong, Nohprah 29: Ki MLA jong ka seng Congress kiba kynthup ia ka Dr Ampareen Lyngdoh, u Bah George B Lyngdoh, bah Himalaya Shangpliang, u Bah Monhendro Rapsang, u Dr Azad Saman  bad u Bah Shitlang Pale kila leit ban jngoh ia ka krem dewiong kaba don ha Lumthari ha East Jiantia Hills District ban jurip ia ka krem dewiong kaba la ban ia ki 15 ngut ki briew kiba duh ei iala ka jong ka jingim hapoh kane ka krem dewiong.

Haba kren ha ki nongthoh khubor  ka Dr Ampareen Lyngdoh, kala ong ba ka jingleit ka jong ki ha kane ka jaka kam dei ban ia kynnoh ia ka sorkar kaba mynta ne ka sorkar kaba rim hynrei ka ba kongsan ka long ban wan peit ia kane ka jaka ban sngewthuh bad ha ka juh ka por ban peit la kita ki kor ki bor ban pom ia ka um na kane ka jaka.

Haba ia dei bad ka jingtih dewiong ka long ba naduh u snem 2014 la ong ba dei ban set noh ia ki jaka tih dewiong bad kaba kongsan mynta ka long ba ka dei ban don ka jingpynkhreh kumba la ong ki stad ba dei peit ia ki kam tih marpoh khyndew. Ka jingeh ka long ba kam don ia ka mining plan ban kynnoh ba dei na ka sorkar mynshuwa ne mynta hynrei kane ka jingjia kan pynkyndit ban peit ba kan nym jia shuh kum kane.

La ong ba ki kwah ban iohi ba ka sorkar ka dei ban phah kloi ia ki kali ban leit shaw ia ki mashin kiba la poi ha Guwahati ban pynpoi sha kane ka jaka, hynrei la ong ba ka surok ka long kaba sniew haduh katta katta ban poi sha kane ka jaka ba don kane ka jingjia.

U bah Himalaya u la ong ba ka jingleit ka jong ki ka long ba kin ioh lada de ia kane ka jaka bad kila ioh khubor ba ki don ki pom um kiba la poi na katei ka jaka bad kane kala long ha dien u u Rahul Gnadhi na ka liang jong ka Congress u la kren sha u Myntri rangbah duh jong ka Ri India ba ki mashin kila sdang ban poi.

La ongb a na ka liang jong u Assistant Commandant ka NDRF u la ong ba kila tan haduh 20 lak litter hynrei ka um ka dap sha ki ka dap, ka jingsuba lehse kane ka wah Litein kala tuid sha poh ka krem, kumta don kam ia ki pom um kiba khlain bad ynda la dep ban tan ia ka um yn sa wad ia ki briew kiba shah kut sha poh.

La ong ba katkum ka jingsngewthuh ka jong ki ynda kila poi sha kane ka jaka ki shem ba lehse kane ka jingtih dewiong hapoh kane ka krem ka long palat ia ka wah Litein dei na kane ka daw ba ka um ka dap shidap katba dang tam ia ka um na kane ka jaka.

La ong ba na ka liang jong ka Congress kam kwah ban leh politk ia kane ka jingjia, ka jingwan jong ki ka long ban tip ia kaei kaba la jia, ha ka jignkren u la kynnoh ba kane ka long baroh dei na ka jingkhien sting jong ka sorkar  kaba la shu shaniah tang ki bor jong ka District Administration namar kata ka daw don kam ia ki kor ki bor kiba khlain.

Ka jingkylli ka long balei ka sorkar kam shym la leh ei ei mynta la ar taiew, kine ki mashin kiba la poi mynta ka long ha dien ba ka seng Congress kala pynsawa hapoh Parliament nangta ki sa wan, hynrei kaei kaba ki leit sha katei ka jaka ka long ba ki don ka jingsngewsynei ia ki mynsiem kiba la sah ha kine ki krem.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet