Shillong, Rymphang 21: U Director jong ka tnad ri mrad jong ka sorkar Meghalaya mynta ka sngi u la pynyhikna ba kam lei lei ban bam ia ka doh syiar, ha ka juh ka por la ong ba dei ban leh khuid.
Na ka liang jong u Director ka tnad ri mrad u la on ba ia kane ka jingpynthikna la shim katkum ka jingpynbna jong ka sorkar pdeng kaba la pynmih ha ka 10 tarik mynta u bnai, kaba kren halor ka jingbam doh syiar bad ka Novel Corona (Covid 19) Virus.
Kane ka long ban pynshai ba ka Covid-19 kam don ha ki syiar bad kane ka long katkum ka kaiphot kaba la dep ban leh ha kylleng jong ka pyrthei baroh kawei.
