Kam mut tang ba la ioh jingbit ban plie skul kin ioh ia ka jingiarap na ka sorkar: Lahkmen

Shillong, Lber 17: U Myntri ba dei peit ia ka tnad pule puthi jong ka jylla u bah Lahkmen Rymbui haba juba ia ka jingkylli kaba la wan rah da u bah Syntar Klas Sunn ha kaba ia dei bad ki nonghikai Adhoc, na ka liang jong u myntri u la jubab ba baroh ki skul kiba dei ha ka Adhoc ki long 2455 tylli baroh.

U myntri u la batai ba na kine, ki Lower Primary ki don 1225 tylli, ki Upper Primary 844 tylli bad ki Secondary School ki don 386 tylli,  ka jingdon ki nonghikai, ha ki LP School ki don 2450 ngut, UP School ki don 3376 ngut bad ha ka Secondary School ki don 2139 ngut ki nonghikai.

Haba ia dei bad ka jingsiew ia ki nonghikai adhoc, ha ki LP School ka long T.12000/-  UP Head teacher, T.18,000/- Assistant Teacher T.16000/- bad ha ki secondary T.20,000/- tyngka bad kane ka jingsiew ka long solansar ha baroh kawei ka jylla jylla bad kane ka jingsiew katrei kam naduh ka 1st Nailur 2016.

Haba jubab ia ki jingkylli bynrap, u myntri ba dei ia ka tnad pule u la ong ba ka sorkar ka dang pynkhreh ban pynkiew ia ka tulop jong ki nonghikai bad kumba ka long mynta ka sorkar ka pynlut T.182 klur ia ki nonghikai Adhoc bad lada pynkiew ka jinglut kan poi sha ka T.251 klur, haba ia dei bad ki skul kiba la ioh jingbit na ka sorkar ban plie, kam mut tang ba la ioh jingkit kin ioh jingiarap na ka sorkar.

U Myntri u la jubab ruh hapoh ka iing dorbar ba baroh ki skul ha ka jylla la ki dei jong ka sorkar ne jong ki riew shimet baroh ki nonghikai ki dei ban long kiba la pass ia ka Meghalaya Teacher Eligibility Test (MTET), da la ki kwah ban ioh jingiarap na ka sorkar.

Haba phai sha ka jingujor ba ki skul shisien ba la ioh ia ka jingithuh na ka sorkar kim long kiba biang, na ka liang jong u myntri u la kyntu ia baroh ki nongmih khmat ba kin shim ka jingkit khleih ban peit ar lane lai tylli ki skul ban pynthikna ba ki skul kin iaid beit iaid ryntih.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet