Shillong, Jymmang 12: U Mytnri rangbah ka jylla u Conrad K Sangma ba dei ruh u shongknor jong ka sorkar khleh khawlang ka Meghalaya Democratic Alliance (MDA) la khot ia ka jingialang jong baroh ki party ba don ha ka sorkar ban ia kren ia ki kam ki jam hapoh ka sorkar.
Haba kren ha ki lat pathai khubor na ka liang jong u mytnri rangbah ka jylla u ong ba ka jingkhot ia kane ka jingiakynduh kum ka kyndhun MDA ka dei ban ia sngewthuh lang ia ki kam kiba ka sorkar ka pyniaid.
Ha kane ka jingialang mynta ka sngi la khot ban ia sngewthuh ha kaba ia dei bad ka kam khappud kaba la ia soi bad ha kane ka jigniakynduh la pnyshai bad kam shymdon kata ka jingdawa ban khyllibiang ia ka soskular kaba la ia soi bad ka jylla Assam.
Haba ia dei bad ka eksam CUET ka long kaba sngewtynnad ba u myntri ka sorkar pdeng u Dharmendra Pradhan mynta ka sngi u la phah da ka jingthoh ban pynhikna ba ki samla pule kiba leit sha ki Koljej ba pyniasoh bad ka NEHU kim don kam ia ka CUET eksam.
U myntri rangbah la pynshai ba kum ka kynhun MDA ka juh ia kynduh na ka por sha ka par ban ia kren ia ki kam ki jam ha ka sorkar ban ia sngewthuh lang bad ba kan nym don kano kano ka jingia sngewthuh bakla ha ka jingtrei kam.
