Kam shym pat don kano kano ka aplikoshon ban shna blok ha Purakhasia: Hamletson

Shillong, Nailur 16: U Myntri ba dei peit ia ka tnad pynroi nongkyndong u bah Hamletson Dohling haba jubab ia ka jingkylli jong u Winnerson D Sangma la ong ba ka sorkar ka dang peit bniah ha kaba ia dei bad ka jingkwah ban plie iaki blok thymmai.

Haba jubab ia ki jingkylli bynrap u myntri ka tnad pynroi nongkyndong la ong ba haduh mynta kam shym don kano kano ka applikoshon ban shna blok ha Purakhasia, hynrei da kane ka jingwan u dkhot ka iing dorbar lada ka sorkar ka shna blok kan sa peit ia kane ka jingdawa ruh.

Katkum ki aplikoshon kiba la poi hapoh ka ophis kiba la dawa ban don noh ia ka blok, ki long na Siju South Garo Hills, Mawsaw, Wahkaji kine  na South West Khasi  Hills District, na Jiantia Hills, na Nartiang, Wapung bad Narpuh, Umden na Ri Bhoi.

Ha West Khasi Hills, ha Shallang bad Rambrai, kiwei kum na Bahabari, Adogre, Dainadubi, ka Nongkrem ha East Khasi Hills District, ia kine baroh ka sorkar ka dang peit bniah ha dien ba la peit bniah ka sorkar kan sa shim ia ka rai.

Haba ia dei bad ka jinglut u myntri u la ai ka jingkhien kyllum ba la kumno kumno ban shna ia ka shna ia ka blok thymmai ka jinglut kan long kumba T.12 klur tyngka rei ei, kane ka dei ka jingkhein kaba long kyllum.

U myntri rangbah ka jylla u Conrad K Sangma haba jubab ia ka jingkylli u bah George B Lyngdoh haba ia dei bad ki kam kiba lait ha ki tnad sorkar, u ong ba ka sorkar ka dang lum jingtip ha kaba ia dei bad ki kam kiba lait ha ki ophis sorkar.

Haba jubab ia ki jingkylli bynrap la ong ba ka jingkhein ka jylla man ka por namar don kiba kiba dang lait bad don kiba la dept hung ruh, kane ban ai jingkhein namar ba um krah ban ialam bakla haba jubab hapoh ka iing dorbar.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet