Shillong, Risaw 12: U Myntri rangbah ka jylla u Conrad K Sangma u la ong ba kam don kata ka jingkit beain ia u dewiong, baroh kiba kit dei kiba don ia ki kot ki sla kiba biang, na ka liang jong ki bor sorkar ki pynpyrkhing bha ia kane.
Na ka liang jong u myntri rangbah u la ong ba ki briew ki don ha ka jingmut jingpyrkhat jong ki ba tang shu iohi ba ka trok ka iaid bad kit dewiong, ki shu ong beit ba ka don kata ka jingkit beain ia u dewiong, ki briew ki hap ban kylla ka jingmut jingpyrkhat.
Na ka liang jong ka sorkar ka juh pynlong ia ka jingialang man ka por bad ki Deputy Commissioner, ki Superintendent jong ki pulit, ka tnad ba dei peit ia ki marpoh khyndew ka tand ka kit ka bah bad ka sorkar kala shim bun ki lat ki lynti ban khanglat ia ka jingkit beain.
Na ka liang jong ka sorkar ruh shen kan sa buh ia ka “Integrated Check Gate” bad kane ka long ban dang pynkhlain shuh shuh ia ka jingkhanglad ia ki jingkit beain, kine ki kor ki bor kiba katkum kane ka juk kaba mynta katkum ka jingbthah jong ka iing bishar ba ha khliehduh jong ka Ri ka Supreme Court bad ka NGT.
U Myntri rangbah u la ong ba kane ka jingkynnoh ka mih ha ki kot khubor jan man ka ka sngi, hynrei kine ki jingkynnoh baroh ki long ki bym don nongrim haei haei ruh ka long kaba suk ban shu kynnoh hynrei ka sorkar kaleh ia kaba don kam, kiba la kynnoh kum ka BJP bad kiwei kiwei de.
