Shillong, Jymmang 29: Ka kong Ampareen Lyngdoh myntri ba de peit ia ka tnad ka koit ka khiah kaba dei ruh ka shongknoe jong ka kommittee ban ia peit bniah ha kaba ia dei bad ka “Reservation Roster” ban pyntrei kam ia ka bhah kam bhah jam ha ka jylla.
Ha kane ka jingialang mynta ka sngi la khot ia baroh ki seng sain pyrthei kiba la wan ban ia shim bynta ha kane ka jingialang ka long ba da kawei ka sur kila ia mynjur ia kane ka jingpyntreikam ia ka Roster kynthup ia ka GNC kaba la mih khmat da u Augustine Marak lyngba ka Video Confrencing na Tura.
Ha kane ka jingialang mynta ka sngi kila shim ia ka rai ban phah ia ki jingai jingmut sha ka sorkar jylla ia baroh ki mat kiba la ia kren hapoh ka kommittee sha ka sorkar ba kan pdiang ia ki jingtyrwa, ki don kiba lah ban iathuh bad ki don kiba dang hap ban thoh ia ki jingiakren ban phah sha ka sorkar Meghalaya kata sha u myntri rangbah ka jylla.
Kane ka long ba u myntri rangbah ka jylla un iohi ia kaei kaba la ia kren hapoh ka jingialang,ka don kawei ka phang kaba kane ka kommitte ka sngew don kam ban ai jingmut sha ka sorkar Meghalaya, lada ia ka Roster hap ban pdiang da baroh khamtam ki seng sain pyrthei hap ban peit ba kan long kaba jop baroh ki seng sain pyrthei ki dei ban don bynta ha ka jingiakren.
Mynta kila sngewhun ia kane ka Roster kaba la pynkhreh bad pyntreikam mynta, hynrei don kawei ka seng sain pyrthei kaba khlem wanban ia don bynta lang ha ka jingiakren, ka jingialang kala sngewdei ban ai jingmut sha ka sorkar ban ailat ia kane ka kommittee ba kan sngap ia ki jingpynsngew jong kawei ka seng sain pyrthei kaba khlem wan sha ka jingiakren.
Kane ka jingiakren kan nym long kaba bit ba biang, kumta la shim ia ka rai ban kyrpad ia ka sorkar ba kan kynthup ia ka polisi bhah kam bhah jam kloi lan ha ka jingiakren khnang ban ai ka lat ia ka Voice of the People’s Party ba kan pynsngew ia ki mat jong ka sha ka kommittee.
Da kaba ong kumta yn phah ruh ia ka jingia jingmut sha ka sorkar ba baroh ki seng sain pyrthei kin ai ka juh ka jingpynshai namar kan nym bha lada ban ailat tang ia kawei ka seng sain pyrthei, haba la ai ia la at ia ka VPP ba kan pynsngew ia ki jingmut jong ka kin sa buh biang ia ka sngi bad kumno na leh ia kaei kaba la pynkhamti ha ka committee.
Ha kane ka juh ka phang u mytnri rangbah ka jylla un ia kynduh ia kiwei ki kynhun ha ka 31/5/2023, ha ka juh ka por ka kommittee kan sa ia kynduh biang ha ka juh ka sngi ha ka por 2.30 baje noh phai sngi ban ia lat ia baroh ki seng sain pyrthei ba kin kdew bad bad ki ai jingmut ha katei ka sngi khnang ban dup lah ban pyntreikam ia kane ka mat sha khmat bad sha shisien la khot iaka VPP ba kan wan ban ia shim bynta.
