Shillong, Jymmang 12: Ka elelction sha Lok Sabha kan dep ha ka 19 tarik mynta u bnai bad ka jingniew boot kan long ha ka 23 tarik mynta u bnai, u Dr Mukul Sangma kyrtong ka INC na Tura u la ong ba ha kane ka kynti kaba mynta kan wan ka sorkar khleh khawlang ha kaba yn nym kawei ruh ka party ka ioh synshar marwei.
U Dr Mukul u la kren shai ba ka seng Congress kam kwah bor, hynrei ka kwah ba baroh ki seng kiba don ia ka jingpyrkhat kaba khlem ia shah niam kin ia trei treilang ban thaw ia ka sorkar ha Delhi. Ha dien ka jingniew boot kin sa ia kynduh ban ia kren lang ban thaw ia ka sorkar thymmai ha Delhi.
Haba phai sha ka jylla Meghalaya u Dr Mukul u la kam ba ka seng Congress kan jop baroh ar jaka na Tura bad na Shillong. U la ong ba ki don ka jingshah niah ha ki paidbah bad ia kane kin sa tip ha ka sngi niew boot.
Na ka liang jong u Dr Mukul u la kren diaw ruh ia ka jingduna jong ki paidbah ban mih sha khmat ban thep ia ka vote ka jong ki khamtam hapoh jong ka Shillong Parliamentary Konstitwensi, u la ong ba ha Tura Parliamentary Konstitwensi ki paidbah kila kham ia mih ban thep ia ka vote ka jong ki.
