Shillong, Jymmang 8: U Symbut myntri rangbah ka jylla u bah Prestone Tynsong u la ong ba ka jingialeh ban iada na kane ka khlam COVID-19 , kane ka dei ka kam iap kam im, wat kynnoh tang ia ka sorkar iada ia lade da lade namar kane ka jingpang kala nang kiew.
Haba kren ha ki lat pathai khubor mynta ka sngi na ka liang jong u symbut myntri rangbah u a kyntu ia ki paidbah ba kin long kiba phikir ban iada da lade ia lade kamd ei ban shu kynnoh tang ia ka sorkar namar kane ka dei ka kam iap kam im.
Haba jubab ia ki jingkylli u bah Prestone u la ong ba ha man ba ka sorkar ka shim ia ki rai kan don beit ka jingduna ia kata ym lah ban kiar hyrnei kaba bun hi ka dei ka jingmyntoi na ka bynta u ba bun ba lang ban ia khun ia kane ka khlam don kam ia ka jingiatrei lang.
Na ka liang jong ka sorkar ka ban jur ia ki paidbah ba kim long kiba phikir ban lait na ka jingjur shuh shuh ka jingkiew kane ka jingpang, shuwa ba kan lap ka jingsniew kaba kham sniew shuh shuh don kam ban ia phikir bha lade ia lade.
Haba ia dei bad ki jingdon ki jingthiah ha ki jaka sumar u ba Prestone u la ong ba haduh mynta kam pat don kano kano ka jingduna, wat la katta ka sorkar ka dang ialeh ban dang pynbun shuh shuh ia ki jingthiah.
Halor ka jingkynnoh ba ka don kata ka jingshim pisa T.200 tyngka ha Umling ban ioh ia ka test kaba long Negative, u symbut myntri rangbah u la ong ba ka sorkar kala ioh sngew ia kane dei na kata ka daw ba la test mynta da ka RTPCR ban lait na ka jingkynnoh.
