Shillong, Jymmang 05: Mynta ka sngi u myntri rangbah ka jylla Meghalaya u Conrad K Sangma bad u 
myntri rangbah ka jylla Sikkim u Prem Singh Tamang kila plie ia ka iew pyninam ia ki marrep na kane ka thain Shatei Lam Mihngi jong ka Ri Indi kaba lai sngi lynter ha Polo.
Haba kren ha kane ka jingpyninam ia ki marrep, u Conrad K Sangma u la ong ba kane ka jingpyninam ia ki marrep kane ka thain shatei lam mih ngi jong ka Ri India ka long ka lat ia ki nongrep ba kin ioh ia ka iew ban ia khaii pateng sha bar bad kiwei ki ri jong ka pyrthei.
U Mytnri Rangbah la ong ba kane ka jingiasnoh kti lang bad ka SIAL kaba dei kawei na ki kynyhun kiba pyniaid ia kine ki jingiakop pyninam ha kaba ia dei bad ka bam kaba la sdang ha u snem 2019 bad kane ka long ka lad ban pyniakynduh ia ki nongdie bad ki nongthied ha kaba ia dei bad ki marrep na kylleng ki ri jong ka pyrthei.
Kane ka “North East Food Shaw” ka dei ka jaka ban pyniakynduh ia ki nongdie bad ki nongthied ha kaba ia dei bad ki jingmih kiba pynmih ki nongrep kiba ia dei bad ki marrep. Kane kam dei tang ia ki marrep hyrnei ka wanrah lang ia kito kiba pynmih ia ki mar bam mardih na kane ka thain.
U Mytnri Rangbah ka jylla Meghalaya la ong ba ka dong shatei lam mih ngi jong ka Ri India kan long kawei na ki bynta jong ka Ri India kaba lah ban pynmih shibun marrep, la ong ba ka ri Vietnam kaba la lah ban pynpaw ia ki marrep ka don shatei lam mih ngi ruh kan but ia ka nuksa jong kane ka Ri, la ai khublei ruh ia u nongrah ka tien katei ka ri bala don lang ha kane ka sngi u Pham Sanh Chau.
Ha ka jingkren u Myntri Rngbah ka jylla Sikkim u Prem Singh Tamang, u la ai ka jingiaroh ia u myntri rangbah ka jylla Meghalaya bala lah ban wanrah ia kane ka phang namar kane ka plie ka lat bad kane ka long ka lynti ban kyntiew ia ka rep ka riang ha kane ka thain namar ka don shatei lam mih ngi ka Ri India ka don ia ki marrep kiba bun jaid.
Ha kane ka sngi u myntri ka tnad rep u Banteidor Lyngdoh na ka jylla Meghalaya, u Bidu Singh Panth myntri ka tnad shangsuwari ka jylla Sikkim ruh ki ia don lang, kiwei kiba la ia don lang ki long u Pham Sanh Chau nognrah ktien ka ri Vietnam, u Ram Prasad Subedi ba dei na ka ophis nongai ktien ka ri Nepal sha India,
U Secretary ba nongkong na ka ophis nongrah ktien ka ri Japan sha k India Ikko Watenabe, Chief Secretary, Meghalaya, R V Suchiang, bad kiwei ki heh sorkar jong ka Chile, Poland, Austria, United Kingdom bad European Union, ki ophisar na ka sorkar pdeng bad jong ka SIAL kila don lang ha kane ka sngi plie ia kane ka jingpyninam ia ki marrep.
