Shillong, Jymmang 23: Kane ka sorkar Meghalaya Democratic Alliance kaba la ialam da u Conrad K Sangma kam don hok shuh ban dang synshar ia ka jylla namar ka don ka sorkar hynrei kam don kata ka jingsynshar la kam u symbut president ka AITC ba dei ruh u MLA u Zenith Sangma.
U nongialam ka AITC u la kynnoh ba kane ka dei ka jingshah shet kylla ia ki paidbah bad u la ong ba ia kane ka bynta u la dep ban kren naduh u snem 2019, hynrei kane ka sorkar bara bor ka shu kyntait beit. La kynnoh kane ka jingiabamsap la leh da ka jingtip lang ki briew ba don ha ka bor.
La ong ba ka jingkhyllem jong ka Dome jong ka iing dorbar thawain ka jylla kaba dang shan mynta ka dei ka jingbaka kaba jur ha kaba tei ia ka la kynnohn bad kane ka dei ka kam runar lada ka jia ba ka khyllem ha ka por mynsngi kin jin da ladon shibun ki abn duh ei ia la ka jingim. Kan jia aiu lada ki nongmih khmat kin don hapoh ka iing dorbar.
U Zenith Sangma MLA bad u Symbut President ka party AITC u la kynnoh ba kane ka dei ka jingia bamsap, ha duh katno lah ban mudur bad haduh ba kim don shuh kata ka jingkit khlieh ia ka jingshngian ia kane dei ban phah tohkit bad ban pynshitom katkum ka ain ia kiba don kti.
La kynnoh ruh ba ka MeECL kala thung ia ki briew kiba khlem da ioh ia ka jinghikai ban trei ia ka kam bad kane kala wanrah ia ka jingiap ban shah bat eletrik bad kane kala paw na ka jingjia ha ka shnong Rerapara ha ka 21.5.2022 la khlad noh long kmie bad la pynlong ia kane ka iing, ka kmie bad ki khun khlem nongiarap. Ka MeECL ka dei ban phah tohkit ia kane ruh.
