Shillong, Rymphang 29: Halor ka jingjiaklumar mynnin ka sngi ha Ichamati hapdeng ki bar jylla bad ki briew jong ka KSU, na ka liang jong ki pulit kila kem lai ngut ki ba la kynnoh ba ki dei ki nongialam bad la rah saw ngut.
Katkum ki thymmei khubor na ka tnad pulit ki iathuh ba, la kem lai ngut bad saw ngut kiwei rah iaki baroh kiba la don ka kti jong ki pulit mynta ki long hynniew ngut, na ka liang jong ki pulit kin dang thwet shuh shuh ia kito kiba don kti ha katei ka jingpynklumar ha Ichamati.
Ha katei ka jingjia na ka liang jong ki pulit kila pynthikna ba ki briew jong ka tnad pulit ba la mynsaw dei tang u wei. Naduh mynnin mynmiet la pynbuh shuh shuh is ki pulit ha katei ka jaka bad ka jingthwet ia kito kiba don kti ha kakam pynklumar ka dang iaid sha khmat.
Na ka liang jong ka sorkar kala thung ia ka kynhun tohkit ban khlieh da u Magistrate ia kaba la tip kum ka “Magisterial Inquary” ban lap ia ka daw tynrai jong katei ka jingiaklumar hapoh Ichamati.
