Shillong, Risaw 17: Ha dien ka jingioh kem ia ki 19 ngut ki nong Nigeria, ki pulit jong ka East Jiantia Hills District kila dang kham pyrkhing shuh shuh ia ka jingkhynra ia ki kali kiba wan rung na Assam sha Meghalaya.
Ha kane ka jingkhynra ia ki kali kiba wan na Assam sha Meghalaya ki pulit kila ioh ban kurup 21 kilo u ganja na ka bus kaba don ia u number AS-01JC-0979, ki pulit kila krem ruh ia ar ngut ki briew kiba don hapoh kane ka kali, kine ki ar ngut ki longu Dharanveer Ray 33 snem bad u Prince Ray 18 snem.
Na ka liang jong ki pulit kila kem ia kine baroh ar ngut bad ia ka ejahar la register hapoh jong ka Khliehriat Police Station. Kine ki ar ngut ki la phla ba ki thied ia u ganja na Agartal bad ki rah sha Bishar na ka bynta ban dei ha katei ka jylla.
