Maligaon, Kyllalyngkot 13: Ki kynhun pulit ba dei peit kyrpang ha ki station rel kiba la tip kum ki Railway Protection Force jong ka Northeast Frontier Railway kila ioh ban kem 6 ngut ki jaidbynriew rohingyas kiba na Bangladesh na Alipurduar ha Agartala.
Kine kiba la ioh ban kem na ki 6 ngut, sawngut ki kynthei bad ar ngut ki shynrang, ka jingkem ia ki ka long ba ki RPF kila ishan khmat ia kine ki breiw bad haba la kylli kim lah ban pyni kino kino ki jingpynshisha ba ki dei ki nong India.
Haba la talasi na kine ki briew la lap ia ki Aadhar thok ba dei jong ka Ri India, la ioh kurup ar tylli ki mobile ar tylli ki tiket rel ban leit da ka rel number 13174 Kanchanjunga Express ia kine la kem bad aiti sha ki ophisar ka tnad railway ban leh ia kaba don kam.
Na ka liang jong ki kynhun pulit RPF ki peitngor bha ban pynthikna ba ki poiwir rohingyas kim dei ban ioh rung sha kane ka thain shatei lam mih ngi ka Ri India.
Ki RPF jong ka NF Railway ki peit ba kino kino kiba ishan khmat ki kylli byrthew bad haba kim lah ban pyni ia ki kot kisla kiba don kam ki bat bat rah ia ki ha khmat ka ain.
