Shillong, Jymmang 07: Ki shipai Border Security Force (BSF) na ka kynhun 193 batalion ha ka sngi saitjian kila ioh ban kem 13 ngut ki khar Bangladesh kiba la rung sha India ha jan ka shnong Sonatola ha East Khasi Hills District, kine kiba la shah kem kila phla ba ki mut leit sha Kashmir.
Ka jingioh kem ki BSF ia kine ki khar Bangladesh ka long ha dien ba kila ioh jingtip ba ki don ki briew ba rung na Bangladesh sha India, ki BSF kila ioh ban kem ruh lai ngut ki nong India kiba iarap ia ki ban wan ialam sha India kine baroh ki dei na West Garo Hills District.
Ka jingiohkem ki BSF ia kine ki briew ka long ha ka por ba ki dang mih na khlaw ban rung ha ka kali Sumo kaba la ap ha surok kaba don ha khappud bad ka Bangladesh, kine ki khar Bangladesh kila pynpaw ba ka jingwan jong ki ka long ban leit sha Kashmir ban leit bylla.
Ki shipai BSF ia kine ki 13 ngut kiba la shah kem la aiti ha ki pulit jong ka Dangar kaba hap hapoh jong ka East Khasi Hills District ban leh ia kaba don kam katkum ka ain, kane ka jingrung ki Bangladesh na Meghalaya ban leit sha Kashimir kala buh ka, ia ki lai ngut ki nongiarap kiba la kem ruh la aiti lang sha ki Pulit.
