Shillong, Rymphang 07: U Director General ki pulit u Dr. L R Bishnoi u la pyntip ba ki pulit kila ioh ban kem ar ngut ki briew bad na ki la ioh ban kurup ia u Drok Heroin bad haba khein ha ka dor iew la kot sha ka T.28 lak tyngka.
Na kine ki ar ngut kiba la shah kem ki pulit kila ioh ban kurup ruh T.63 hajar tyngka, ar tylli ki mobile phone, ka kali kaba don ia u number ML-05-J-5387, kane ka dei ka jingtrei shitom ki pulit da ka jingkut jingmut ban ia khun pyrshah ia kine ki jingdih ba sniew.
Dang ha kine ki khyndait sngi ki pulit jong ka jylla kila ioh ban kem ia ki nongkhaii drok ha ki bynta jong ka Garo Hills, na ka liang jong u heh duh ki pulit u la ai ka burom sha ki pulit kiba la trei shitom ban ioh kem ia ki nongkhaii drok.
