Kem ki pulit ar ngut ki nong Nigeria na Ratacherra East Jiantia Hills District

Shillong, Risaw 10: Ki pulit jong ka East Jaintia Hills District kila ioh ban kem sa ar ngut ki nong Nigeria kiba la wan rung khlem kot khlem sa, kine ki ar ngut la tip kyrteng kum u Victor Ojichukwu Ugo Okeke 30 snem bad u Ifechkwu Emmanuel Obi 34 snem.

Ki pulit kila iathuh ba ia kine ki ar ngut ki nong Nigeria la ioh ban kem katba ki dang talsi ia kawei ka bus kaba don ia u number ML05-M-1899 kaba wan na Agartala ban leit sha Guwahati. Ka jingkem ia ki ka long ha dien ba ki pulit kila tohkit la shem ba kin don ia ki kot ki sla kiba biang.

Na ka liang jong ki pulitkila register ia ka ejahar hapoh jong ka Lumshong Police Station. Ki pulit kila lap ba na kine ki ar ngut ki bar ri la ioh tang ia ka serok kopi jong ka poasport jong ki bad ki la ong ia ki passport jong ki kila iehnoh ha Bangladesh.

Kine ki ar ngut kila phla ba kila wan na ka ri jong ki lyngba ka Bangladesh, kila rung sha India lyngba ka jylla Tripura ban leit sha Guwahati. Haduh mynta ki pulit kila ioh kem haduh 19 ngut ki nong Nigeria. Naka liang jong ki pulit kila peitngor bha khang ba ki nongwei kin nym ioh ban rung ha jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet