Shillong, Nailar 20: Ki pulit jong ka Shallang haba kila pynlong ia ka jingtohkit la shem ba u trai jong ka par dewiong ba twa ha kaba la khlad wei u briew bad mynsaw u wei, kila kem ia u trai bala tip kyrteng kum u Hubath R Sangma na ka shnong Songsak Gurakalam ha Shallang.
Na ka liang ki pulit kila register ehajar hapoh shallang Police Station C/No. 28(8)2022 U/s 188/304A IPC R/w Sec 21 (1) MMDR Act bad ia kane la leh katkum ka ejahar ba la aid a u sub-inspector u bah B.P Talang, OC Shallang, ia u la rah sha iing bishar an bsihar bad ban phah ban set sha phatok.
Na katei ka jaka ba twa ka krem dewiong ki pulit kila kurup ruh kumba 7 lane 8 tone u dewiong, ar tylli ki thela ki jain bad ki sdie la lap na katei ka krem dewiong kaba don hakhlaw Urak kaba hap ha Riangdim kaba jngai kuma 25 km na Shallang. Na ka liang jong ki pulit man ka por ki juh leit ban khynra ban lap ia ki nongtih dewiong beain.
Na ka liang jong ki pulit mar ia ioh ia kane ka jingtip u bah B Kharjana MPS ba dei deputy superintendent ki pulit jong ka West Khasi Hills la leit ban tohkit ha kaba ia dei bad katei ka jingjia bad la shem ba u Lependro Sangma 34 snem la khlad ha kane ka jingtwa khyndew bad u ba mynsaw Hendit Momin 33 snem baroh ar ngut dei na ka shnong Goraimari North garo Hills.
Ia u ba khlad la pynkit sha Shallang PHC ban leh ia ka post mortem bad ia u ba mynsaw ruh la pynkit sha sha Shallang PHC ban ai jingsumar ia u ba mynsaw ha kane ka jingtwa ka krem dewiong, kane ka long katkum ka jigntip kaba la na ki pulit jong ka West Khasi Hills.
