Shillong, Jylliew 23: Mynta ka jan miet ki pulit jong ka jylla Meghalaya kiba don ha ka kynhun Special Investigation Team (SIT) kila ioh ban kem ia u Lokendra Singh Tomar trai jong ka iing ba ai jaka rieh ia ka Sonam Raghuvanshi por ba ka don ha Indore haba kala phet na Meghalaya.
Ki pulit jong ka jylla Meghalaya kila pyntip sha ki Pulit jong ka Gwalior ban kem ia u Lokendra u ba dei u trai jong ka flat ha Dewas Naka ha ka por ba ka Sonam ka shong ban rieh ha ka por ba ka don ha Indore.
U tei u briew bala shah kynnoh u la mih na ka jylla Madhya Pradesh haka 16/Jylliew/2026 sha Uttarakhand bad na kane ka jaka u la leit sha Gwalior ha ka 22/Jylliew/2025.
Mynta ia ka kynhun pulit ba dei ha kane ka kynhun SIT la phaih ia ki ba kawei ka kynhun kala mih na Indore ban leit sha Gwalior ban kem ia u tei u briew, ha kaba yn sa rah sha iing bishar ha katei ka jaka bad ban bat ia u ban ioh ban wanrah.
Ia u la thwet ban kem ha long halor ka jingialeh ban pynjah ia ki sabut kiba don kam ha kane ka jingpyniap ia Raj Raghuvanshi, ia kitei baroh lai ngut yn ialeh ban wan rah sha Shillong ha ka sngi balang hakta ka 25/Jylliew/2025.
