Shillong, Risaw 20: Ki pulit jong ka South Garo Hills District ha ka jingpynap shrip kila ioh ban kem ia san ngut ki briew bad na ka kti jong ki nongsikar la ioh ban pynlait ia kawei ka mrad kaba la tip kum ka Kyrbei.
Kane ka Kyrbei ka dei ka mrad kaba la jan duh jaid mynta, ia kane ka mrad na ka liang jong ki pulit kin aiti sha ka tnad khlaw ba dei peit ia ki mrad bad ha ka juh ka por ki pulit kin tohkit ha kaba ia dei bad kane ka kam.
Lah ban pynkynmaw ba dangshen ki pulit jong ka jylla Assam kila kem ia u wei u briew bad kila ioh ban kurup ia kawei ka kyrbei bad na ka jingphla jong u ba la shah kem ula iathuh ba ia ka Kyrbei la thied na Meghalaya.
