Shillong, Iaiong 28: Mynta ka sngi ki dukan ha kane ka nongbah Shillong kila khang ban pynpaw ia ka jingpyrshah ia ka jingshah siat iap ki riew paidbah ha Pahalgam ha kaba 26 ngut ki rangbah kila duh ei ia la ka jingim bad bun bah kiwei kila mynsaw.
Ka kynhun ki nongkhaii kane ka nongbah Shillong ha ka shatri jong ka “Meghalaya Citizens Forum” kila khot ia kane ka jingkhang dukan mynta ka sngi, ka kynhun kam shym pynbor ia iano iano ruh hynrei ka khot lada ki khang da ka dei ban long da ka mon sngewbha jong ki.
Mynta ka sngi la iohi ba ka jaka die lang ka iew ha Paltan Bazar kala khanglut baroh ki dukan, ha Iewduh jan baroh ki la khang lait noh tang katto katne tylli ki byn treh ban ia treilang ha kane ka jingkhot khang dukan, ka Khyndailad la iohi ba baroh ki dukan kilang khang, kum juh kum ka iew Polo.
Haba kren ha kren ha u SP News Agency u wei na ki nogkit kam ka Meghalaya Citizens Forum u la ong ba, kane ka jingkhot ka dei ktang ka jingkyrpad ki khlem pynbor iano iano ruh, kiba kwah ban plie ki lah ban plie, kumba long ha ki thian Malki bad katto katne ki bynta jong ka Laitumkhrah.
