Shillong, Nailar 02: Mynta ka sngi na ka liang jong ka tnad Enforcement jong ka KHADC kala leit sha Mawphlang ban jurip ia ki kompeny kiba pyntrei ha katei ka thain kiba khlem pynbiang ia ki kot ki sla katkum ka jingdon jong kam.
Ha kane ka jingleit na ka liang jong ka KHADC ba dei na ka tnad enforcement la ialam da u superintendent u Bah Albert Lanong ba dei peit ruh ia ka labour. Ha ka jingleit jurip la lap ba kane ka Company Techno Electric and Engineering Private Ltd ka la Sdang ban pyntrei na duh u snem 2017.
Kaba pynkyndit ka long ba ia ka NOC na ka liang jong ka ka shnong ki la ioh ha u 2019 ka ba ha ka NOC ki la buh ia ki kyndon ba ki dei ban ioh ia ka trading bad labour laisen, hynrei haduh mynta ruh kam pat lah ban pynbiang ia ka trading laisen bad ka labour laisen.Na ka liang jong ka KHADC kala khang tala noh bad bethah ba kin pynbiang ia ki kot ki sla katkum ka jingdon kam.
Ha ba ia kren bad ki lad pathai khubor u Bah Rickson Nongsiej general secretary jong ka Meghalaya Labour Union u la ong ba ka seng kala lap ia kane ka jingleh jong kane ka kompeni ha dien ba kila bud dien la kyntu ia ki bor jong ka KHADC ba ki dei ban shim khia ia kane ka kam.
