Khang tala ka KSU bun tylli ki ophis ba plie ha ka sngi lyngkhuh sngi iap u Tirot Singh

Shillong, Naitung  17:  Ka KSU mynta ka sngi kala leit ban khang tala ia bun tylli ki ophis kiba laplie ha kane ka sngi rakhe ia ka lyngkhuh sngi iap ban 184 jong u Syiem Tirot Sing,kine ki ophis kiba la shah khang tala mynta ka sngi ki long, jong ka SBI, iingdak bad ka Regional ophis jong ka FCI ha Mawlai Mawroh.

Ka sorkar jylla ia kane ka sngi kala pynbna shuti ha baroh kawei ka jylla ban burom kyrpang ia une  nongialeh laitluid jong ka Ri Khasi na ka jingshah thombor jong ki phareng  bad ka sorkar India ruh kala ithuh ia u kum u wei na ki nongialeh laidluid jong ka Ri.

Ka jingleit khang jong ka KSU ia kitei ki ophis ka long ba kine kim burom ia kane ka sngi kyrpang  kaba ka jylla baroh kawei ka rakhe ia kane ka sngi sah kynmaw ba u Syiem jong ka Hima Nongkhlaw ha u snem 1935 u la iap ha byndi ha Dhaka kaba dei mynta ka Ri Bangladeh.

Na ka liang jong ka KSU lyngba kane ka jingleit ban khang ia ki ophis kiba plie ha ki sngi kyrpang kaba ka jylla ka don, ka long ban pynsngew sha ki ba ki dei ban burom ia kane ka sngi kaba ka jaid bynriew khasi ka kynmaw kyrpang ym tang ia kane ka sngi hynrei wat ia kiwei kiwei ki sngi shuti kiba dei bad kane ka jylla Meghalaya.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet