Khang u ADM ia ki jaka tylliat maw ha thain Rani Godawn bym biang kot: Victor Ranee

Shillong, Nailar 20: U bah Victor Ranee MDC jong ka Jirang Konstitwensi u ba dei ruh u Executive Member hapoh jong ka KHADC, u la iathuh ba u la ioh jingtip ba u Additional District Magistrate jong ka Ri Bhoi District u la leit ban khang ia ki jaka tylliat maw kiba don sha ki thain Rani Godawn namar ba kim biang ki kot ki sla.

Haba kren ha u nongai khubor ka SP News Agency mynta ka sngi ha kamra trei kam jong u la ong ba ki don shibun ki parmaw ha katei thain bad u la kyntu ia u Executive Member ba dei peit ia ka jaka puta ba un leit ban jurip sha katei ka thain.

U la iathuh ba ha ka iing dorbar kaba la dep, ha ka por ba  u bah Herdian Lyngdoh u bat ia ka kam EM ba dei peit ia ka jaka puta u la leit ban jurip bad ha dien kane ka jingjurip bun na ki trai parmaw kila wan ban pan jingbit na ka KHADC.

Ha ka juh ka por na ka liang jong u Bah Ranee MDC u la ong ba kan bha lada u ADM un leit ban jurip ruh ia ki parmaw kiba don ha ki thain Killing bad ki bynta jong ka Umtyrnga kiba hap hapoh jong ka Ri Bhoi District kiba dei hapoh ka Konstitwensi kaba u mih khmat.

U Bah Ranee u la ong ruh ba u don ka jingsuba kaba jur ba bun ia kine ki parmaw la pyniaid da ki briew kiba na bar ym da ki trai jaka kiba dei ki trai shnong, ha ka juh ka por u kyntu ia u ADM bah H K Thabah ban jurip ia ki parmaw kiba don ha ki thain Killing ruh.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet