Shillong, Naiwieng 21: Ka Tnad shna surok jong ka jylla Meghalaya kala shna ia ka jaka ieng kali ha Mylliem Khatarmer harud wah Umtyngar khnang ba ki nongleit nongwan khamtam ia kiba wan kai sngewbha kin ioh ban pynieng ka ki kali.
Kaba pynlongoh ia ki nongleit nongwan ka long ba ia kane ka jaka ieng kali kaba don harud ka wah jingkieng Umtyngar la khang da kaba buh ia ki jingker ban nym shah ia ki kali ban rung shapoh.
Haba u SP News Agnency u la iohi ban ia kren bad ki briew na katei ka jaka ban tip ia ka daw ba balei ka khang ia kane ka jaka ieng kali kaba la shna kyrpang na ka bynta ki nongleit nongwan kai, ka daw kaba ki la pynpsngew ka long ba ka jingkhang ka ei na ka jingleh klumar ki nongwankai.
Na ka liang jong ka shnong kaba peit ia kane ka jaka ba kan nym don kano kano ka jingleh klumar da kiba wan kai hynrei ia ka jingmana jong ka shnong ym don ba sngap ha kaba ki briew kila pynieng kali wat haduh shiteng synia ha kane ka jaka.
Khlem da kawah ban pynpaw kyrteng na ka liang ki rangbah kila pynsngew ba kimd on lat shuh da kumwei hynrei kila ban shu khang noh ia katei ka jaka ieng kali kaba I tynnad kaba la shna da ka tnad shna surok ban khanglad ia ki kam bym sngew tynnad ha katei ka jaka.
