Shillong, Nailur 22: Ka jingkhlad kyndit jong u bah Lambok Thabah Editor jong ka kot khubor u Nongsain Hima mynta ka sngi kala pynkyndit ia baroh ki para nongthoh khubor bad kane ka long ka jingduh kaba khraw ym tang ia ka iing ka sem hynrei ia ki para ba ia don lang ha kane ka kam thoh khubor.
U bah Lambok kum ba juh leit trei man ka sngi ha ka sngi nyngkong ruh u leit sha jingtrei bad mih na jingtrei kum kaba juh long man ka sngi khlem pynsngew ba un don kata ka jingud pang ne shitom bad mih ka jingtrei ban leit phai sha la iing kum ba juh long man ka sngi.
Dei ha ka por shibaje tam ei ei mynta mynstep la ong ba la ud suh bad mar kumta la rah noh sha Bethany Hospital Shillong ban phah sumar hynrei ha dien katto katne por la pyntip ba i la khlad noh hapoh ka tei ka jaka sumar. Kane ka khubor kala pynsngewsih ia baroh kiba ia don ha kane ka kam bad ka long ka jingduh kaba khraw.
U Bah Lambok Thabah u dei na ka shnong Umniuh Tmar, u la sdang nyngkong ha kane ka kam thoh khubor bad u Rupang ha dien katto katne snem u la sha khmat ban ban shimti ia ka kam Editor hapoh ka kot khubor u Nongsain Hima haduh kane ka khyllip mat ba un khlad noh na kane ka sla pyrthei.
