Shillong, Rymphang 05: U Bah Morris Khongshei 74 snem ba dei Superintendent barim ka Directorate of Information & Public Relations (DIPR), u la khlad noh kyndit na kane ka pyrthei ha mynta ka sngi.
U bah Morris baju khot ieid da baroh u shong u shah ha Malki, Khliehshnong -Wahkdait bad u la iehnoh shadien ia la ka kurim ka kong Slomi Khyriemmujat bad ia ki khun Bah Paul Khyriemmujat bad ka Kong Banri Khyriemmujat.
Ka jingleit on tep don burom ia u kan long ha ka 7/2/2020 ha ka por 2 baje mynsngi ha u lum kyntang ka Balang Katholik Malki ha Khliehshnong.
