Shillong, Rymphang 20: Mynta ka sngi la iohi ba kawei ka kali kit jhep jong ka Shillong Municipal Board kaba la kynton snam da ka jaka bad ki jhur kiba la bret na ki iing briew kala iaid ha surok khlem tap ia ka jhep bad kane kala pynlong ba ka jingsnma iewtung ka sma ha surok ba ki iaid.
Ka jingsma kala ktah ia kiba iaid bad bud ia kine ka kali kit jhep jong ka Shillong Municipal Board bad ka jhep kaba la kynton khlem tap kala ijaboh haduh katta katta namar ki jaboh jabain kiba la kynton ha ka kali kit jhep.
Kane ka jingbym tap jong ki briew kiba trei ia kane ka kam kiba dei na ka SMB kala buh ka jingkylli hato kam don kyndon mo na ka SMB ban khlem tam ia ka kali kit jhep kham tam ia ki ja kiba la wan theh na ki iing briew ha kane kali jong ka SMB ban leit bret sha Marten ha Mawlong.
Haba kren ha u SP News ki briew kila kyntu ba ka SMB ka dei ban bthah ia baroh ki nogniah ia ki kali niut khamtam ia ki kali kit jhep ba kin da tam ban kham duna ka jingsma haba iaid ha surok bad ha ka juh ka por ba kan nym hap sha surok ha ka por ba ki iaid.
La ong ba ka don ka kyndon kaba ka SMB kala bthah ia baroh ki kali kit niut bad kit jhep ba kin da tap ia ka kali la ki dei ki kali jong ka SMB, jong ka Hima Mylliem ne jong ki shnong ruh ba kin da tap ym ban shu kit khlem tap na kadaw ka daw ba bun ki kali ki tap, katne kane ka kali jhep mynta ka sngi ka khlem tap.
