Shillong, Nailar 29: U myntri rangbah ka Jylla u Conrad K Sangma mynta ka sngi u la ai ka shek kaba T.94.40 lak sha ka ALS Satellite Education Pvt Ltd kaba ai jinghikai kyrpang ia ki samla ka Jylla kiba kwah ban ia khun ia ka eksam IAS bad IPS.
Kane ka pisa kaba ka sorkar kala bei sha ka ALS ka long ban iarap na ka bynta 100 ngut ki samla pule ki ban shah hikai kyrpang na ka bynta ban ia khun ia ka eksam IAS bad IPS, kane ka long ban plie lad ia ki samla kiba don ia ka sap hynrei ki bym don ia ka lad.
Ban jied ia ki 100 ngut ki samla kiba kwah ban ia khun ia ka IAS bad IPS, ia ka eksamin yn pynlong ha ka 15 tarik Nailur ha baroh ki District jong ka Jylla Meghalaya hapoh ka jingpeit ka ophis jong ki Deputy Commissioner.
Kito ki samla kiba kwah ban ia khun ia kane ka eksam ia ki aplikoshon ki lah ban ioh na duh ka 4 tarik Nailur na ki ophis jong ki Deputy Commissioner bad ka sngi ba khatduh ban thep iaki aplikoshon kan long ha ka 12 Nailur.
Ia ka resolt jong ka eksamin ki samla yn pynmih ha ka 22 taril Nailur bad ka jingsdang ia ka jinghikai kan long naduh ka 30 Nailur 2019. Ka jingjied ia ki samla kan long katum ka polisi bah kam jong ka sorkar.
Kito ki samla kiba pass na Khasi bad Jiantia Hills ka jaka ai jinghikai kan long ha Shillong bad kito kiba pass na Garo hills ka jaka hikai kan long ha Tura.
