Shhillong, Nailar 5: Mynta ka sngi u bah Egenstar Kurklang bad ka kynhun kila pynpaw ba ka tnad khlaw kala khang ia ki jingthihmaw, syiap kiba pyndon kam haki jingtrei NREG kiba la tip kum ka skhim shipah sngi, kaba pyndon kam ha ki jingpyntrei ia ki skhim jong ka sorkar kum ki jingtei iing teisem.
Haba kren ha ki lat pathai khubor la ong ba kum ki riew paidbah kim tip ba kala don katta ka ain Meghalaya Mineral (Prevention of Illegal Mining, Transportation and Storage Rules, 2022, ban khang ia ka jinglit maw kit shyiap, hapoh ka jylla, kaei kaba ki tip tang kaba ki shallan sha Bangladesh, hynrei mynta ki ruh kin gat lang.
U Bah Kurkalang la ong ba kim don jingpyrshah ei ei ruh em ia kane ka rule jong ka sorkar jylla, hynrei kaba ki kwah ba long ba shuwa ban pyntrei kam ka sorkar kala dei ban pynshai paidbah, mynta la shu wan khang kynsan bad kem ruh ia ki kali kiba kit maw shyiap.
Haba ia dei bad kane kila khot ia ka jingialang ha ka 8/Nailar/2024 ha Umphrnai ha iing dorbar ban ia kren ia kane ka kam, la khot ia baroh kiba na Ri Bhoi, West Khasi Hills, Eastern West Khasi Hills bad East Khasi Hills District sha katei ka jingialang ban ia kren kumno ban leh ha kaba ia dei bad kane ka jingkhang syndet ka tnad khlaw.
Na kane jingleh ka ka ktah ia ki jingtrei shispah sngi ha ki shnong, kala ktah ia ka jingpyntrei ia ki iingbaduk, ki jingtrei jong ka sorkar ha ki jaka bapher bapher namar ba kim lah ban pynpoi ia u maw, u shyiap ha ki jaka pyntrei, kane ka kynhun ka kyntu ia ka sorkar ban pynlait shuwa ia mynta haduh ban da ia pynbeit da kumwei pat.
