Shillong, Nailur 10: ka State Bank jong ka Ri India, lyngba ka shnat “Rural Self Employment Training Institute” ka khot ka wer ia ki samla jong ka Ri Bhoi District ba kan ai jinghikai ha kaba ia dei bad ka seng kam seng jam ban ieng hala ki jong ki kjat.
Ha kane ka jingpynbna paidbah ka RESTI kala ong ba ka jinghikai ka dei ba ka ai ei khlem don kam ia kano kano ka jingsiew, na ka bynta ka jinghikai, ka bai bam bad ka bai jaka sah kiba wan kim don kam ei ei ban siew ka Institute kan pybiang.
Kane ka jingkhot aplikoshon kan long tang ka bynta ba ri Ngap, Masonry bad Concrete Work, Papad, shna Achar, shna Masala, ban shet jyngbam, Thain Jain, ban suh jian shynrang, ban ri Sniang, ban pyniaid iew ia ki jaid soh.
Kiwei dei ki jinghikai, kum ka khap shniuh ia ki shynrang, ka jinghikai kyllum ia ki skhim EDP-PMEGP, ban thung tied, ban sara symbai ia ki jhur, shna ban khylliap kot, shna enbelop, ban shna kot sop ia ki phail, ban suh shrong ia ki jain sem, ban ai rong ia ki jingshna nar, ban ri Syiar bad ban pyniaid iew ia ki syntiew.
Kiba lah ban buh ia ki aplikoshon kan long na ka bynta kito kiba la dap 18 snem ka rta shaneng haduh 45 snem. Kiba lah ban apply kin long kito kiba la pass ia ka kyrdan bule ba hynriew shaneng, ha dien ba kila pyndep ia ki jinghikai un ai syrnot ia ki bad kan nym don jingsiew ia ka bai leit bai wan ne ka jingsiew bai wan shah hikai ia kiba shah jied. Ia ki jingtip kiba kham bniah ki lah ban phone ha u ne u nomber 8837043562.
