Shillong, Risaw 15: U Chief Engineer jong ka tnad shna iing jong ka PWD, u Bah F marbaniang u la pynshai paidbah ba ka jingkhyllem jong ka kynroh ka Public School ha Jowai ka dei na ka jingleh bym suid niew jong ki bor ba pyniaid ia katei ka skul da kaba pyndap khyndew khlem da kynjoh ktien ia ki bor jong ka PWD.
U Chief Engineer jong ka PWD u la ong ba ka daw jong ka jingkhyllem kane ka kynroh ka dei na ka jingpyndap khyndew jong ka skul kaba la long palat ia ka 2.00 M ka jingjrong ha u bnai Nailur mynta u snem. Kane ka jingtheh khydnew na ka liang jong ka skulk am shym la pyntip sha ka PWD.
Dei ha dien ba ka PWD kala leit ban jurip biang ia ka jaka ban shna ia ka hall ban thoh eksamin, la shem ba ka na ka liang jong ka skul ka la pyndap khyndew palat. Na ka liang jong ka PWD ba dei peit ia ka tnad shna iing kala mana na ka por sha ka por ba dei ban kynjoh ktien hynrei ki bor pyniaid skul kim sngap.
Ka kynroh kaba la khyllem ka long 31 Meter bad ka jingkrong kane ka kynroh ka long 1.25 meter ia kaba la shna ha u snem 2002-2003 dei ha u snem 2017 la pynjrong ia kane ka kynroh da .75 M ha dien na la pan da u principal jong katei ka skul. Halor ka jingkynnoh ba dei na ka jingtrei torti ba khyllem kane ka kynroh na ka liang jong ka PWD kala ong ba kam dei ka jingshisha.
